မြန်မာသတင်း

Coup  Attempt  Unsuccessful  in Burma အိန္ဒိယ နိုင်ငံ သို့ မြန်မာ စစ်ခေါင်းဆောင် အလည်အပတ် ရောက်ရှိ နေစဉ် အတွင်း နေပြည်တော် တိုင်းစစ်ဌာနချုပ်မှ အကြီး တန်း အရာ ရှိ တစ်ချို့ က အာဏာသိမ်းရန် နှင့် ဗိုလ်ချုပ်မှုးကြီး သန်းရွှေအား ရာထူးမှ ဖယ်ရှား ရန် ကြိုးစားမှု များ ရှိ ခဲ့သော် လည်း အောင်မြင် မှု မရှိ ခဲ့ကြောင်း Freedom News Group မှ စုံစမ်း သိရှိ ရသည်။ အိန္ဒိယ နိုင်ငံ ကို ခြောက် နှစ် အတွင်း ဒုတိယ အကြိမ်မြောက် အလည်အပတ် ခရီးစဉ် [...]

ဗြိတိန်ဝန်ကြီးချုပ် ခရီးစဉ်အတွင်း အိန္ဒိယ၀န်ကြီးချုပ် မန်မိုဟန် ဆင်းဂ် (Manmohan Singh) နဲ့ တွေ့တဲ့အခါမှာ ကုန်သွယ်ရေးကိစ္စအပြင် အခြား လုံခြုံရေး အကြောင်းရပ်တွေ ဆွေးနွေးကြတဲ့အခါ အိန္ဒိယ အိမ်နီးချင်း မြန်မာနိုင်ငံနဲ့ ပတ်သက်လို့လည်း ဆွေးနွေးဖို့ ရှိတယ်လို့ သိရပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။

လာမယ့် ကြာသပတေးနေ့ ဗြိတိသျှ ၀န်ကြီးချုပ် ဒေးဗစ် ကင်မရွန်း (David Cameron) နဲ့ အိန္ဒိယ ၀န်ကြီးချုပ် မန်မိုဟန် ဆင်းဂ်တို့ တွေ့ကြတဲ့အခါ စီးပွားရေးကိစ္စ အပြင် ဒေသတွင်း အခြေအနေကိုလည်း ဆွေးနွေးဖို့ ရှိတယ်လို့ သိရပါတယ်။ ဒီအထဲမှာတော့ အာဖဂန်၊ ပါကစ္စတန် အရေးကိစ္စနဲ့ မြန်မာနိုင်ငံ ကိစ္စတွေဟာ အဓိက ဖြစ်လိမ့်မယ်လို့ ဆိုပါတယ်။ ဗြိတိန်ဝန်ကြီးချုပ် အခု အိန္ဒိယ စရောက်နေတဲ့ အချိန်မှာပဲ မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေဟာလည်း အခု အိန္ဒိယနိုင်ငံမှာ ရှိနေတုန်းပါ။

မြန်မာနိုင်ငံ ဒီမိုကရေစီရေးအတွက် အိန္ဒိယရဲ့ အခန်းကဏ္ဍ ဘယ်လောက် အရေးပါတယ်ဆိုတာ အိန္ဒိယ ခေါင်းဆောင်တွေကို ဗြိတိသျှ အစိုးရက သတိပေးသွားဖို့ ရှိတယ်လို့ လန်ဒန်အခြေစိုက် Burma Campaign UK ရဲ့ တာဝန်ခံ မာ့ခ် ဖာမနာ (Mark Farmaner) က ပြောပါတယ်။

“Burma Campaing UK က ရတဲ့ သတင်းအရဆိုရင် ဗြိတိန်ဝန်ကြီးချုပ် အနေနဲ့ အိန္ဒိယ ၀န်ကြီးချုပ်နဲ့ တွေ့တဲ့အခါမှာ မြန်မာ့အရေးကို ဆွေးနွေးပါလိမ့်မယ်။ အခု ဒီကနေ့မှာ အိန္ဒိယ နိုင်ငံခြားရေးဝန်ကြီးနဲ့ ဗြိတိန် နိုင်ငံခြားရေးဝန်ကြီး ၀ီလီယံ ဟေဂင် (William Hague) တို့ တွေ့ဆုံတော့ မြန်မာ့အရေးကို ဆွေးနွေးခဲ့ကြပါတယ်။ ဗြိတိန်ရဲ့ နိုင်ငံခြားရေး မူဝါဒမှာ မြန်မာ့အရေးဟာ ထိပ်တန်းမှာ ရှိနေသေးတယ်ဆိုတော့ ဒါ သတင်းကောင်းပါပဲ။”

ဗြိတိန်အစိုးရဟာ လက်ရှိအားဖြင့်တော့ မြန်မာနိုင်ငံနဲ့ ပတ်သက်လို့ သဘောထား အတော်လေး တင်းမာမှု ရှိပေမဲ့ အိန္ဒိယ အစိုးရကတော့ နောက်ပိုင်း မြန်မာအစိုးရနဲ့ အတော်လေး နီးနီးကပ်ကပ် ဆက်ဆံလာပါတယ်။ အိန္ဒိယ အစိုးရရဲ့ လက်ရှိ မြန်မာ့အရေး ချဉ်းကပ်မှုဟာ မြန်မာနိုင်ငံ အပြောင်းအလဲအတွက် အလုပ်မဖြစ်ဘူး ဆိုတာကို ဗြိတိသျှ ၀န်ကြီးချုပ်က ပြောနိုင်တယ်လို့ မာ့ခ်က ယူဆပါတယ်။

“မြန်မာနိုင်ငံမှာ နိုင်ငံရေး အကျဉ်းသားတွေ လွတ်မြောက်လာဖို့နဲ့ တိုင်းရင်းသားတွေ၊ ဒီမိုကရေစီ အင်အားစုတွေနဲ့ စစ်အစိုးရ တွေ့ဆုံ ဆွေးနွေးလာအောင် အမှန်ကန်ဆုံး ချဉ်းကပ်ရမယ့် နည်းလမ်းဟာ စစ်အာဏာရှင်တွေကို ဖိအားတွေ ပိုပေးခြင်းပဲလို့ ဗြိတိန်အစိုးရက ယူဆထားတုန်းပါ။ အခု ရှိနေတဲ့ အခြေအနေဟာ ရွေးကောက်ပွဲကို လွတ်လပ်ပြီး မျှတမှု ရှိမယ်လို့ မယူဆပါဘူး။ ရွေးကောက်ပွဲ လုပ်ငန်းစဉ် တခုလုံးဟာ ဒီမိုကရေစီ ပြောင်းလဲမှုအတွက် မဟုတ်ဘဲ စစ်အစိုးရကို ပိုပြီး အားကောင်းစေဖို့သာ ဖြစ်တယ်လို့ ယူဆထားပါတယ်။

“အခု ဖွဲ့စည်းပုံသစ်ဟာ အာဏာရှင်စနစ်ကို တရားဝင်ဖြစ်အောင် လုပ်တာပဲလို့ ယူဆပါတယ်။ ဒါကြောင့် အပြောင်းအလဲတွေဖြစ်ဖို့ စစ်အစိုးရကို ပိုပြီး ဖိအားတွေ ပေးရမယ် ဆိုတာကို အိန္ဒိယ အစိုးရကို ပြောဖွယ်ရှိပါတယ်။ ဒါ့အပြင် သူတို့အနေနဲ့ အိန္ဒိယက မြန်မာ့အရေး လက်ရှိ ချဉ်းကပ်မှု ပုံစံကိုလည်း သဘောမတူဘူးဆိုတာ ပြောဖွယ်ရှိပါတယ်။ အိန္ဒိယနိုင်ငံရဲ့ ချည်းကပ်မှုဟာ အပြုသဘော အဖြေမထွက်သလို အပြောင်းအလဲတွေ ဖြစ်လာမယ်လို့ မယူဆတဲ့ အကြောင်းတွေ ပြောဆိုဖွယ် ရှိပါတယ်။”

ဗြိတိန်ဝန်ကြီးချုပ် အိန္ဒိယကို ရောက်နေချိန်၊ မြန်မာစစ်ခေါင်းဆောင်ကလည်း အိန္ဒိယကို ရောက်နေချိန်မှာပဲ အိန္ဒိယနိုင်ငံ အနေနဲ့ မြန်မာ့ ဒီမိုကရေစီရေးအတွက် မြန်မာခေါင်းဆောင်တွေကို ဖျောင်းဖျ ပြောသင့်တယ်လို့ အမေရိကန် နိုင်ငံခြားရေး ၀န်ကြီးဌာန ပြောခွင့်ရသူ ပီ.ဂျေ ခရော်လီ (P.J Crowley) ကလည်း မနေ့က နိုင်ငံခြားရေး ၀န်ကြီးဌာန သတင်းစာ ရှင်းလင်းပွဲမှာ ပြောခဲ့ပါတယ်။

“အိန္ဒိယ၊ မြန်မာ အိမ်နီးချင်း ဆက်ဆံရေး ရှိတယ်ဆိုတာ ကျနော် သတိပြုမိပါတယ်။ အဲဒီ အိမ်နီးချင်း ဆက်ဆံရေးမျိုးနဲ့ ပတ်သက်လို့ အိန္ဒိယကို အမေရိကန် ပြည်ထောင်စုက တိုက်တွန်း ပြောခဲ့ဖူးပါတယ်။ အိန္ဒိယဟာ သူ့ရဲ့ အရှိန်အ၀ါ၊ သူ့ရဲ့ ရင်းနှီးမြှုပ်နှံ သြဇာတွေကို အသုံးပြုပြီး မြန်မာနိုင်ငံတွင်း လူ့အခွင့်အရေးနဲ့ ဒီမိုကရေစီ တိုးတက်လာရေး မြန်မာခေါင်းဆောင်တွေကို နားချ ပြောဆိုသင့်ပါတယ်။ မြန်မာနိုင်ငံ အနေနဲ့လည်း အမေရိကန် ပြည်ထောင်စုတင် မဟုတ်ပါဘူး။ အခြား ဒေသတွင်း ခေါင်းဆောင်တွေ ပြောဆို တိုက်တွန်းချက်တွေကိုလည်း နားထောင်ဖို့ အရေးကြီးပါတယ်။ အထူးသဖြင့် အိန္ဒိယနိုင်ငံရဲ့ ပြောဆို တိုက်တွန်းမှုတွေပါ။”

မြန်မာ့ အိမ်နီးချင်းလည်းဖြစ်၊ ဒီမိုကရေစီ နိုင်ငံလည်း ဖြစ်တဲ့ အိန္ဒိယနိုင်ငံ အနေနဲ့ မြန်မာနိုင်ငံ ဒီမိုကရေစီရေးအတွက် ပိုပြီး တာဝန်ယူသင့်တယ်လို့ အနောက်နိုင်ငံ အများစုက နောက်ပိုင်း ပြောဆိုလာပါတယ်။ ဒါ့အပြင် G-20 စီးပွားထွန်းကား နိုင်ငံများ အဆင့်မှာ အိန္ဒိယ အနေနဲ့ ပိုပြီး တာဝန်ယူမှုရှိတဲ့ နိုင်ငံ၊ သြဇာသုံးနိုင်တဲ့ နိုင်ငံဖြစ်ဖို့ အနောက်နိုင်ငံတွေက လိုလားနေကြပါတယ်။

မြန်မာစစ်အစိုးရကို စီးပွားရေးအရ ဒဏ်ခတ်ပိတ်ဆို့ အရေးယူတဲ့ Burma Freedom and Democracy Act လို့ခေါ်တဲ့ မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေကို ဇူလိုင်လ ၂၂ ရက်နေ့က  အမေရိကန် အထက်လွှတ်တော်မှာ ထောက်ခံမဲ အများစုနဲ့ အတည်ပြုခဲ့ပါတယ်။ အမေရိကန် သမ္မတ ဘရက်ခ် အိုဘားမား (Barack Obama) ကလည်း ဇူလိုင်လ ၂၇ ရက်နေ့မှာ လက်မှတ်ရေးထိုး လိုက်တာကြောင့် အခုဆိုရင် ဒီဥပဒေဟာ နောက်ထပ်တနှစ် တရားဝင် အသက်ဝင်မှာ ဖြစ်ပါတယ်။ အမေရိကန် ခေါင်းဆောင်တွေ ဘာကြောင့် ဒီဥပဒေကို ခုလို သက်တမ်းတိုးလိုက်တာပါလဲ၊ မြန်မာနိုင်ငံ ပြုပြင်ပြောင်းလဲရေးအတွက် ဒီဥပဒေက ဘယ်လောက်ထိ ထိရောက်မှု ဖြစ်စေနိုင်မလဲ ဆိုတာတွေကို မခင်ဖြူထွေးက တင်ပြပေးထားပါတယ်။

မြန်မာစစ်အစိုးရဟာ ပြည်တွင်းပြည်ပက ဖိအားတွေကို လျစ်လျူရှုပြီးတော့ အခုချိန်ထိ လူ့အခွင့်အရေး ချိုးဖောက်မှုတွေကို စနစ်တကျနဲ့ ဆက်တိုက် ကျူးလွန်နေတုန်း ဖြစ်တာကြောင့် ဒီလို ပြည်သူတွေအပေါ် လူ့အခွင့်အရေး ချိုးဖောက်မှုတွေ စနစ်တကျနဲ့ နှစ်ပေါင်းများစွာ ကျူးလွန်နေတဲ့ မြန်မာစစ်အစိုးရကို ဒဏ်ခတ်တဲ့ အနေနဲ့ ၂၀၀၃ ခုနှစ်က ချမှတ်ခဲ့တဲ့ အမေရိကန် ပြည်ထောင်စုရဲ့ မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေကို သက်တမ်းတိုးဖို့ အထက်လွှတ်တော်မှာ ကန့်ကွက်မဲ ၁ မဲသာရှိပြီး ထောက်ခံမဲ ၉၉ မဲနဲ့ တခဲနက် ထောက်ခံ အတည်ပြုခဲ့ကြတာပါ။ အခုတခါ သမ္မတ အိုဘားမားကလည်း ဇူလိုင်လ ၂၇ ရက်နေ့မှာ ဒီဥပဒေကို ထောက်ခံ လက်မှတ်ရေးထိုးလိုက်ပြီ ဖြစ်တာကြောင့် အခု ဒီဥပဒေဟာ တရားဝင် နောက်ထပ်တနှစ် သက်ရောက်မှုရှိမှာ ဖြစ်ပါတယ်။

မြန်မာစစ်အစိုးရဟာ ရွေးကောက်ပွဲတွေကနေ တဆင့် စစ်အစိုးရအာဏာ တရားဝင် တည်မြဲဖို့ ကြိုးစားနေတယ်၊ ဒါပေမဲ့ မြန်မာစစ်အစိုးရ ကျင်းပမယ့် ရွေးကောက်ပွဲတွေဟာ တရားမျှတ လွတ်လပ်ပြီး အများပါဝင်နိုင်တဲ့ ရွေးကောက်ပွဲတွေ ဖြစ်မှာမဟုတ်တဲ့အတွက် ဒီရွေးကောက်ပွဲတွေဟာ အတုအယောင် ရွေးကောက်ပွဲတွေသာ ဖြစ်တယ်၊ ဒါကြောင့် အမေရိကန်အစိုးရ အနေနဲ့ ဒီရွေးကောက်ပွဲတွေကို အသိအမှတ် မပြုဘူး ဆိုတာကို ပြသနိုင်ဖို့ မြန်မာနိုင်ငံဆိုင်ရာ အမေရိကန်ရဲ့ ဖိအားတွေ ဆက်လက် ထားရှိဖို့ အရေးကြီးတဲ့အချိန် ဖြစ်တယ်လို့ ဒီဥပဒေ ချမှတ်နိုင်ရေး အဓိက ကြိုးပမ်းခဲ့သူ ရီပတ်ဘလစ်ကန် အထက်လွှတ်တော်အမတ် မစ်ခ်ျ မက်ကော်နဲလ် (Mitch McConnell) က ပြီးခဲ့တဲ့ သီတင်းပတ်တွင်း အထက်လွှတ်တော်မှာ ပြောခဲ့ပါတယ်။

“အထက်လွှတ်တော်ရဲ့ သုံးပုံ နှစ်ပုံကျော်၊ ဒီမိုကရက်နဲ့ ရီပတ်ဘလစ်ကန် ပါတီ ၂ ရပ်စလုံးက လွှတ်တော်အမတ်တွေကနေ မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေ သက်တမ်းတိုးဖို့ တခဲနက် ထောက်ခံခဲ့ကြတာကို ကြည့်ရင် ဒီနှစ်အတွင်း မြန်မာစစ်အစိုးရ ကျင်းပဖို့ ကြိုးစားနေတဲ့ ရွေးကောက်ပွဲတွေဟာ အတုအယောင် ရွေးကောက်ပွဲတွေ ဖြစ်တာကြောင့် လက်မခံနိုင်ဘူး ဆိုတာပါပဲ။ မြန်မာစစ်အစိုးရကို အသိအမှတ် မပြုကြောင်း ပြသဖို့၊ မြန်မာစစ်အစိုးရကို ပြုပြင်ပြောင်းလဲလာအောင် ဖိအား ဆက်ပေးသွားဖို့ အခုချိန်ဟာ ဒီဥပဒေ သက်တမ်းတိုးသင့်ဆုံး အချိန်၊ အရေးကြီးဆုံးအချိန် ဖြစ်ပါတယ်။”

မြန်မာစစ်အစိုးရဟာ အများလက်ခံနိုင်စရာ မရှိတဲ့ ဖွဲ့စည်းအုပ်ချုပ်ပုံ အခြေခံဥပဒေသစ် ရေးဆွဲအတည်ပြုပြီး အတုအယောင် ရွေးကောက်ပွဲတွေကို ဆက်ပြီး ကျင်းပဖို့ ကြိုးစားနေတုန်း ဖြစ်လို့လည်း မစ္စတာ မက်ကောနဲလ်က ဝေဖန်ခဲ့ပါတယ်။

အထက်လွှတ်တော်အမတ် မက်စ်ဘောကပ်စ် (Maxbaucus) ကလည်း အခု သက်တမ်းတိုး ချမှတ်လိုက်တဲ့ ဒဏ်ခတ်ပိတ်ဆို့ အရေးယူမှုကနေ နိုင်ငံခြားဝင်ငွေ အမေရိကန်ဒေါ်လာ သန်းနဲ့ချီ မြန်မာစစ်အစိုးရလက်ထဲ အလွယ်တကူ ရောက်သွားမယ့် ကိစ္စကို ကန့်သတ်နိုင်တာကြောင့် မြန်မာစစ်အစိုးရ အနေနဲ့ ပြည်သူတွေကို နှိပ်စက်ညှဉ်းပန်း အကျဉ်းချမှုတွေကို လွယ်လွယ်ကူကူနဲ့ သူလုပ်ချင်သလို လုပ်လို့မရနိုင်အောင် တားဆီးရာ ရောက်တယ်လို့ ဆိုပါတယ်။

အထက်လွှတ်တော်အမတ် ဘာဘရာ ဖိန်းစတိန်း (Barbara Feinstein) ကလည်း မြန်မာနိုင်ငံကို လွတ်လပ်ပြီး ဒီမိုကရေစီကျတဲ့ နိုင်ငံတခု ဖြစ်လာဖို့ ကြိုးပမ်း လှုပ်ရှားနေကြတဲ့ မြန်မာနိုင်ငံသားတွေနဲ့အတူ အမေရိကန် ပြည်ထောင်စုက အတူ ရပ်တည်နေတဲ့အကြောင်း ပြသဖို့ လိုတဲ့အကြောင်းနဲ့ အမေရိကန်ရဲ့ အရေးယူ ဒဏ်ခတ်မှု ဆက်ပြီး ထားရှိသွားဖို့ အရေးကြီးတဲ့ အကြောင်းတွေကို ပြောခဲ့ပါတယ်။

အခုလို အမေရိကန် အထက်လွှတ်တော် အမတ်တွေက မြန်မာနိုင်ငံမှာ နိုင်ငံရေးအရ တိုးတက်မှုတွေ ဖြစ်မလာသေးတာကြောင့် မြန်မာနိုင်ငံကို ဆက်ပြီး ဒဏ်ခတ်ပိတ်ဆို့ အရေးယူမှုတွေ လုပ်သွားဖို့အကြောင်း ပြောဆိုခဲ့ကြပေမဲ့ ဒီလို ဒဏ်ခတ်မှုတွေကနေ မြန်မာနိုင်ငံ ပြုပြင်ပြောင်းလဲရေးမှာ ထိရောက်မှု ဘယ်လောက်အထိ ရှိတယ် ဆိုတာကိုတော့ အသေအချာ မပြောခဲ့ကြပါဘူး။ မြန်မာ့စီးပွားရေး ပညာရှင် ဦးဇော်ဦးကတော့ အမေရိကန်ရဲ့ အရေးယူ ဒဏ်ခတ်မှု လက်တွေ့မှာ ထိရောက်ဖို့ဆိုရင် မြန်မာ့အိမ်နီးချင်း အာရှနိုင်ငံတွေက ဘဏ်အဖွဲ့အစည်းတွေရဲ့ ပူးပေါင်းဆောင်ရွက်မှု လိုအပ်တယ်လို့ ဆိုပါတယ်။

“အဓိကကတော့ ပိုပြီးတော့ တိတိကျကျနဲ့ စီးပွားပြစ်ဒဏ်ခတ် သတ်မှတ်ချက်ကို ထိရောက်အောင် ဆောင်ရွက်ဖို့ ဆိုတာက မြန်မာနိုင်ငံနဲ့ အိမ်နီးနားချင်း နိုင်ငံတွေမှာ ရှိတဲ့၊ အထူးသဖြင့် အာဆီယံနဲ့ အရှေ့အာရှမှာရှိတဲ့ နိုင်ငံတွေရဲ့ ပူးပေါင်းပါဝင်မှုဟာ အင်မတန်မှ အရေးကြီးပါတယ်။ အထူးသဖြင့် Targeted Sanctions ဆိုတဲ့ ငွေရေး ကြေးရေး ဘဏ္ဍာရေး ကိစ္စတွေနဲ့ ဘဏ်ငွေစာရင်းတွေကို ပိုပြီးတော့ ပြစ်ဒဏ်ခတ် သတ်မှတ်အောင် ဆောင်ရွက်နိုင်ဖို့ဟာ အထူးသဖြင့် အရှေ့အာရှ နိုင်ငံတွေမှာရှိတဲ့ ဘဏ်တွေရဲ့ ပူးပေါင်းဆောင်ရွက်မှုက အင်မတန်မှ အရေးကြီးပါတယ်။

“အမေရိကန် ဥပဒေက ပြစ်ဒဏ်ခတ် သတ်မှတ်ချင်တဲ့ နအဖ တာဝန်ရှိ လူကြီးပိုင်းတွေရဲ့ ဘဏ်စာရင်းတွေဟာ များသောအားဖြင့် အရှေ့အာရှမှာရှိတဲ့ ဘဏ်တွေနဲ့ ပတ်သက်နေပါတယ်။ အဲတော့ အရှေ့အာရှမှာရှိတဲ့ ဘဏ်တွေက ဒီကိစ္စကို ပူးပေါင်းဆောင်ရွက် မလာမခြင်း အမေရိကန် အစိုးရရဲ့ စီးပွားပြစ်ဒဏ်ခတ် သတ်မှတ်ချက်တွေဟာလည်း တစုံတခုသော အတိုင်းအတာအားဖြင့် အကန့်အသတ် ဖြစ်နေမယ်လို့ ယူဆလို့ ရပါတယ်။”

မြန်မာ့စီးပွားရေး ပညာရှင် ဦးဇော်ဦး ပြောသွားခဲ့တာ ဖြစ်ပါတယ်။

အမေရိကန် ပိတ်ဆို့ဒဏ်ခတ်မှုတွေက မြန်မာပြည်သူတွေကို ထိခိုက်တာတွေ ရှိတယ်၊ ဒါပေမဲ့ မြန်မာစစ်အစိုးရကို ဖိအားပေးရာမှာ ခုလို အရေးယူမှုတွေ ဆက်ရှိဖို့ လိုတယ်လို့ Kuki International Forum အဖွဲ့ရဲ့ အထွေထွေ အတွင်းရေးမှူး နဲ့(ဂ်)ကင်းပေါင် ကစ်(ပ်) ကန်က ပြောပါတယ်။

“ထိခိုက်တာတော့ စစ်အစိုးရကို တော်တော်ထိခိုက်တယ်။ အဲဒီအပြင် ပြည်သူလူထုလည်း ထိခိုက်တာပေါ့လေ။ ဒါပေမဲ့ တကယ်လို့ Sanctions မရှိဘဲနဲ့ စီးပွားရေး ပြေလည်မှု ရှိရင်လည်း စစ်အစိုးရက အခု သူတို့ ဒီအတိုင်းပဲ ဆက်လုပ်သွားမယ် ဆိုရင်တော့ ပြည်သူလူထုအတွက် ရစရာ သိပ်မရှိပါဘူး။ ပြည်သူလူထုက တော်တော်နစ်နာတာပေါ့။ ဒါပေမဲ့ ကျနော့်အနေနဲ့တော့ ဒီ Sanctions ကတော့ ထားသင့်တယ်၊ ရှိသင့်တယ်လို့ ကျနော် မြင်တယ်။”

Kuki International Forum အဖွဲ့ရဲ့ အထွေထွေ အတွင်းရေးမှူး နဲ့(ဂ်)ကင်းပေါင် ကစ်(ပ်) ကန် ပြောခဲ့တာ ဖြစ်ပါတယ်။

မြန်မာနိုင်ငံ လွတ်မြောက်ရေးနဲ့ ဒီမိုကရေစီအက်လို့ခေါ်တဲ့ မြန်မာစစ်အစိုးရကို စီးပွားရေးအရ ဒဏ်ခတ်တဲ့ ဥပဒေကို ၂၀၀၃ ခုနှစ်မှာ အမေရိကန် ပြည်ထောင်စုက စတင်ချမှတ်ခဲ့တာပါ။ ၂၀၀၃ ခုနှစ် မေလ ၃၁ ရက်နေ့က ဒေါ်အောင်ဆန်းစုကြည်နဲ့ NLD အဖွဲ့ဝင်တွေကို မြန်မာစစ်အစိုးရက လုပ်ကြံသတ်ဖြတ်ဖို့ ကြိုးစားခဲ့တဲ့ ဒီပဲယင်း အရေးအခင်း ဖြစ်ပွားခဲ့အပြီး မြန်မာစစ်အစိုးရကို ပိုပြီးတော့ ပြင်းထန်တဲ့ ဖိအားပေးတဲ့ အနေနဲ့ ဒီဥပဒေကို ပြဋ္ဌာန်းခဲ့တာပါ။

ဒီဥပဒေထဲမှာတော့ မြန်မာနိုင်ငံက ကုန်ပစ္စည်းတွေ အမေရိကန်နိုင်ငံထဲ တင်ပို့မှုကို တားမြစ်ထားသလို မြန်မာစစ်အစိုးရ အနေနဲ့ နိုင်ငံတကာ ငွေကြေးဘဏ်တွေကနေ ချေးငွေနဲ့ တခြား အထောက်အပံ့တွေ မယူနိုင်အောင် ပိတ်ပင်တာ၊ အမေရိကန် ဘဏ်တွေနဲ့ ပတ်သက်နေတဲ့ မြန်မာစစ်ခေါင်းဆောင်တွေနဲ့ သူတို့မိသားစုတွေရဲ့ ပိုင်ဆိုင်မှုတွေကို ထိန်းချုပ်တာတွေ အပြင် စစ်အစိုးရနဲ့ သူတို့ မိသားစုတွေကို အမေရိကန်နိုင်ငံထဲ ၀င်ရောက်ခွင့်ဗီဇာ ပိတ်ပင်တာတွေ ပါဝင်ပါတယ်။

အခုလို မြန်မာစစ်အစိုးရကို စီးပွားရေးအရ ပြင်းပြင်းထန်ထန် ပိတ်ဆို့ ဒဏ်ခတ်တဲ့ ဒီဥပဒေကို သက်တမ်းတိုးဖို့ ထောက်ခံခဲ့တဲ့ အထဲမှာ မြန်မာနိုင်ငံကို ဒဏ်ခတ်မှုတွေ အလုပ်မဖြစ်ဘူးလို့ အရင်က ဝေဖန် ပြောဆိုခဲ့ပြီးတော့ ပြီးခဲ့တဲ့ နှစ်ပိုင်းတွေအတွင်း မြန်မာနိုင်ငံကို ကိုယ်တိုင်သွားရောက်ပြီး မြန်မာစစ်ခေါင်းဆောင်တွေနဲ့ တွေ့ဆုံ ဆွေးနွေးမှုတွေ လုပ်ခဲ့တဲ့ ဗာဂျီးနီးယားပြည်နယ်ရဲ့ ဒီမိုကရက် လွှတ်တော်အမတ် ဂျင်မ် ၀က်ဘ် (Jim Webb) လည်း ပါဝင်ပါတယ်။

အမေရိကန်ပြည်ထောင်စု အနောက်တောင်ပိုင်း အရီဇီုးနားပြည်နယ်က လူဝင်မှု ကြီးကြပ်ရေး ဥပဒေသစ်ပါ အငြင်းပွားဖွယ် အပိုဒ်အများစုကို အမေရိကန် ဖက်ဒရယ် တရားသူကြီးတဦးက ပိတ်ပင် တားမြစ်လိုက်ပါတယ်။ ဒီမတိုင်ခင်တော့ အဲဒီအချက်တွေနဲ့ ပတ်သက်လို့ ဖက်ဒရယ် အစိုးရက မေးခွန်းထုတ်ခဲ့ပါတယ်။

အမေရိကန်ပြည်ထောင်စု အတွင်း တရားမ၀င် ၀င်ရောက်နေတယ်လို့ သံသယ ရှိသူတိုင်းကို တားမြစ်ပြီး လူဝင်မှု ကြီးကြပ်ရေးဆိုင်ရာ အထောက်အထားတွေ တောင်းယူ စစ်ဆေးခွင့် ရှိတယ်ဆိုတဲ့ ရဲလုပ်ပိုင်ခွင့်ကို တရားသူကြီးက ပိတ်ပင်လိုက်တာပါ။

အထောက်အထား မရှိတဲ့ ပြည်ပက ၀င်ရောက်သူတွေ အလုပ်ရှာဖွေတာတွေ တရားမ၀င်ဖြစ်အောင် ပြည်ပက ၀င်လာသူတိုင်း နေထိုင်ခွင့်၊ အလုပ်လုပ်ကိုင်ခွင့် အထောက်အထားတွေကို ကိုယ်နဲ့တပါတည်း အချိန်ပြည့် ထားရမယ်ဆိုတဲ့ အချက်ကိုလည်း တရားသူကြီး ဆူဆန် ဘော်လ်တန် (Susan Bolton) က ပိတ်ပင်ထားလိုက်ပါတယ်။ တရားသူကြီး ဘော်လ်တန်ရဲ့ ဆုံးဖြတ်ချက်ဟာ မှန်ကန်တဲ့လုပ်ရပ် ဖြစ်တယ်လို့ အမေရိကန် တရားရေးဌာနကလည်း ကြေညာပါတယ်။

ဒါပေမဲ့လည်း အရီဇီုးနားပြည်နယ် အုပ်ချုပ်ရေးမှူး ဂျန် ဘရူဝါ (Jan Brewer) ကတော့ အဲဒီ ဆုံးဖြတ်ချက်ကို အယူခံဝင်မယ်လို့ ဆိုနေပါတယ်။ အရီဇိုးနားပြည်နယ်အတွင်း တရားမ၀င် နိုင်ငံခြားသား အလုပ်သမား ပြဿနာတွေကို ဖက်ဒရယ် အစိုးရဘက်က မဖြေရှင်းပေးနိုင်ဘူးလို့ သူမက ပြန်စွပ်စွဲပါတယ်။

တရားသူကြီး ဘော်လ်တန် ပိတ်ပင် ဆုံးဖြတ်လိုက်တာ မဟုတ်တဲ့ ကျန်အချက်တွေပါ အဲဒီဥပဒေကတော့ အရီဇီုးနားပြည်နယ်မှာ လာမယ့် ကြာသပတေးနေ့ကစပြီး အသက်ဝင်မှာ ဖြစ်ပါတယ်။

ခရီးသည် ၁၅၂ ယောက်ကို တင်ဆောင်လာတဲ့ လေယာဉ်တစင်း ပါကစ္စတန် မြို့တော်အနီး လူသူမရှိတဲ့ နေရာက တောင်စောင်းကို ၀င်တိုက်မိပြီး ပျက်ကျရာ လိုက်ပါလာသူ အားလုံး သေဆုံးသွားခဲ့ပါတယ်။

နိုင်ငံတောင်ပိုင်း ဆိပ်ကမ်းမြို့ဖြစ်တဲ့ ကရာချိကနေ အစ္စလမ္မာဘတ်မြို့တော်ကို ပျံသန်းလာတဲ့ Airblue ဂျက်လေယာဉ်ဟာ မိုးရွာသွန်းနေပြီး တိမ်ထူထပ်ချိန် ဆင်းသက်ဖို့ ကြိုးစားစဉ် ဒီကနေ့မှာပဲ ပျက်ကျသွားခဲ့တာလို့ ပါကစ္စတန် အာဏာပိုင်တွေက ပြောပါတယ်။

မာဂလာတောင်တန်း ရှိရာကို အရေးပေါ် ကယ်ဆယ်ရေးတွေ ချက်ချင်း စေလွှတ်ခဲ့သလို သစ်တောထူထပ်တဲ့ ဒီဒေသကို အပေါ်ကနေ အသက်မသေ ကျန်ရစ်သူ ရှိမရှိ ရှာဖွေဖို့ စစ်တပ် ရဟတ်ယာဉ်တွေလည်း သွားရောက်ခဲ့ကြတာပါ။

အစောပိုင်းမှာတုန်းက အသက်ရှင်ကျန်သူတွေ ရှိတယ်ဆိုပြီး သတင်းတွေ ထွက်ခဲ့တာဟာ မမှန်ဘူးလို့ အာဏာပိုင်တွေက ပြောပါတယ်။

လေယာဉ်ပျက်ကျမှုအတွင်း သေဆုံးသွားသူတွေထဲ အမေရိကန် နိုင်ငံသား ၂ ဦး ပါဝင်တယ်လို့လည်း ပါကစ္စတန်မှာရှိတဲ့ အမေရိကန် သံရုံးက ပြောပါတယ်။

ရှာဖွေ ကယ်ဆယ်ဖို့ စစ်တပ်ကို စေလွှတ်ထားခဲ့ပေမဲ့လည်း ခက်ခဲတဲ့ ရေမြေ အနေအထားနဲ့ ရာသီဥတု အခြေအနေတွေကတော့ လုပ်ငန်းတွေကို အဟန့်အတား ဖြစ်နေတာပါ။

လေယာဉ်ပျက်ကျရတဲ့ အကြောင်းရင်းကိုတော့ အခုအချိန်မှာ အတိအကျ မသိရသေးပါဘူး။ လေကြောင်းလိုင်း ပြောခွင့်ရသူကတော့ လေယာဉ်ဟာ သိထားရသလောက် စက်ပိုင်းဆိုင်ရာ ချို့ယွင်းချက် မရှိခဲ့သလို လေယာဉ်မှူးတွေက အရေးပေါ် အချက်ပေးတာမျိုးလည်း မရှိခဲ့ဘူးလို့ ပြောပါတယ်။

အိန္ဒိယနဲ့ ဗြိတိန် ၂ နိုင်ငံကြား ပိုပြီး နီးနီးကပ်ကပ် ဆက်ဆံကြဖို့ ဗြိတိသျှ ၀န်ကြီးချုပ်က တိုက်တွန်းသွားတဲ့ အချိန်မှာပဲ ကာကွယ်ရေးဆိုင်ရာ သဘောတူညီချက်နဲ့ နျူကလီးယားဆိုင်ရာ သဘောတူညီမှုတွေကို ရရှိခဲ့ကြပါတယ်။

ဝန်ကြီးချုပ် ဒေးဗစ် ကင်မရွန်း (David Cameron) ဟာ ကုန်သွယ်ရေး အဖွဲ့တခုကို ဦးဆောင်ပြီး အိန္ဒိယနိုင်ငံကို ရောက်ရှိနေတာပါ။

၂ နိုင်ငံကြား ဆက်ဆံရေးကနေ စီးပွားရေး တိုးတက်မှုတွေ ရရှိဖို့နဲ့ အလုပ်လက်မဲ့နှုန်းမှာတော့ လျော့ကျအောင် လုပ်ဆောင်လိုတယ်လို့ ဘင်္ဂလိုပြည်နယ်က နည်းပညာလုပ်ငန်း တခုကို ရောက်ရှိစဉ်မှာ ဗြိတိန်ဝန်ကြီးချုပ်က ပြောဆိုလိုက်ပါတယ်။

ဒီခရီးစဉ် အတွင်းမှာပဲ ဗြိတိန်နိုင်ငံက ကာကွယ်ရေး ကုမ္ပဏီ BAE နဲ့ ဒေါ်လာသန်း ၈၀၀ တန်ဖိုးရှိတဲ့ HAWK အမျိုးအစား ဂျက်တိုက်လေယာဉ် ၅၇ စင်း ၀ယ်ယူဖို့ အိန္ဒိယနိုင်ငံက သဘောတူညီချက် ရရှိခဲ့ပါတယ်။

တချိန်တည်းမှာပဲ ကိုယ်စားလှယ်အဖွဲ့နဲ့ လိုက်ပါလာတဲ့ ဗြိတိသျှ စီးပွားရေး အတွင်းဝန် ဗင့်စ် ကေဘယ်လ် (Vince Cable) ကလည်း အိန္ဒိယနိုင်ငံအတွက် အရပ်ဘက်သုံး နျူကလီးယား နည်းပညာတွေကို ဗြိတိန် ကုမ္ပဏီတွေက တင်ပို့ခွင့်ပြုမှာ ဖြစ်တဲ့အကြောင်း ကြေညာလိုက်ပါတယ်။

ဗြိတိန်ဝန်ကြီးချုပ်က အိန္ဒိယရဲ့ အိမ်နီးချင်း ပါကစ္စတန်နိုင်ငံက လုံခြုံရေးကို ခြိမ်းခြောက်မှုတွေ ရှိနေတဲ့အပေါ် စိုးရိမ်မကင်း ဖြစ်ကြောင်းကိုလည်း ပြောဆိုလိုက်တာပါ။ ပါကစ္စတန်အနေနဲ့ အိန္ဒိယနိုင်ငံထဲကို အကြမ်းဖက်မှုတွေ အာဖဂန်နိုင်ငံကပဲ ဖြစ်ဖြစ်၊ တခြားကပဲဖြစ်ဖြစ် တင်သွင်းခွင့် မပြုသင့်ဘူးလို့ ပြောဆိုခဲ့ပါတယ်။

၂၀၁၀ ရွေးကောက်ပွဲကို  ဦးစီးကျင်းပပေးမယ် ဆိုတဲ့ မြန်မာစစ်ခေါင်းဆောင်တွေ အနေနဲ့ အခုအချိန်ထိ ရွေးကောက်ပွဲ ကျင်းပမယ့်ရက်ကို မကြေညာသေးတာဟာ ၀င်ရောက် ယှဉ်ပြိုင်ကြမယ့် နိုင်ငံရေးပါတီတွေ အပေါ်မှာ တရားမျှတမှု မရှိရာ ရောက်တယ်လို့ နေအိမ်မှာ ထိန်းသိမ်းခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒီကနေ့ နေ့လယ်ပိုင်းက သူ့ရဲ့နေအိမ်မှာ အမှုကိစ္စတွေအတွက် သွားတွေ့ခဲ့ကြတဲ့ အကျိုးဆောင် ရှေ့နေတွေကို ဒေါ်အောင်ဆန်းစုကြည်က အခုလို ပြောလိုက်တာပါ။ အပြည့်အစုံကို မသင်းသီရိက တင်ပြပေးထားပါတယ်။

ဒီကနေ့ နေ့လယ် နေအိမ်မှာ သွားတွေ့ခဲ့ကြတဲ့ ရှေ့နေကြီး ဦးဉာဏ်ဝင်း၊ ဦးကြည်ဝင်းတို့ ၂ ဦးနဲ့ အမှုကိစ္စအတွက် ပြောဆိုကြစဉ် ဒေါ်အောင်ဆန်းစုကြည်က ရွေးကောက်ပွဲ အခြေအနေနဲ့ ပတ်သက်လို့ သုံးသပ် ပြောဆိုလိုက်တာပါ။ အထူးသဖြင့် ဒီနှစ်ထဲမှာ ကျင်းပပေးမယ်ဆိုပြီး အခုချိန်ထိ ရွေးကောက်ပွဲ ပြုလုပ်မယ့်ရက်ကို အတိအကျ ထုတ်ပြန် ပြောဆိုခြင်း မရှိသေးတာဟာ ၀င်ရောက် ယှဉ်ပြိုင်ကြမယ်ဆိုတဲ့ နိုင်ငံရေးပါတီတွေ အတွက် တရားမျှတပြီး လွတ်လပ်တဲ့ ရွေးကောက်ပွဲရဖို့ အခြေအနေ မရှိနိုင်ဘူးလို့ ဒေါ်အောင်ဆန်းစုကြည်က သုံးသပ်ကြောင်း ဒီကနေ့ နေအိမ်မှာ သွားရောက်တွေ့ဆုံခဲ့သူ ရှေ့နေ ဦးဉာဏ်ဝင်းက ပြောပြပါတယ်။

“လက်ရှိ နိုင်ငံရေး အခြေအနေက ၂၀၁၀ ရွေးကောက်ပွဲ ဆိုတာကြီးက အခုချိန်ထိ မကြေညာသေးတာ ရွေးကောက်ပွဲ ၀င်သူတွေအတွက် တရားမျှတမှု ရဖို့၊ ညီမျှသော ယှဉ်ပြိုင်မှုဖြစ်ဖို့ အခြေအနေ မရှိဘူး။ ဘာဖြစ်လို့ ဒီလို ကြန့်ကြာနေရလဲဆိုတာနဲ့ ပတ်သက်ပြီး သူ စဉ်းစားနေတယ် ဆိုတဲ့အကြောင်း ပြောပါတယ်။ အချိန်နည်းနေတဲ့အတွက် တရားမျှတတဲ့ ရွေးကောက်ပွဲ Free and Fair ဆိုတာကိုတော့ ဘယ်လိုမှ စဉ်းစားလို့ မရဘူးလို့ ပြောပါတယ်။”

တခါ ရွေးကောက်ပွဲအတွက် မဲဆွယ်စည်းရုံးရေး ကိစ္စတွေမှာလည်း အာဏာပိုင်တွေဆီက ရှင်းလင်းပြတ်သားတဲ့ စည်းမျဉ်းစည်းကမ်းတွေ မတွေ့ရတဲ့အတွက် နိုင်ငံရေးပါတီတွေ အခက်အခဲ ဖြစ်နေတာကို တွေ့ရတယ်လို့လည်း ဒေါ်အောင်ဆန်းစုကြည်က ပြောတယ်လို့ ဦးဉာဏ်ဝင်းက ပြောပြပါတယ်။

“ဒေါ်စုပြောတာက ဒီရွေးကောက်ပွဲ စည်းရုံးရေးကိစ္စနဲ့ ပတ်သက်ပြီးတော့ အာဏာပိုင် အဖွဲ့အစည်းကသော်လည်းကောင်း၊ ကော်မရှင်ကသော်လည်းကောင်း ရှင်းလင်း ပြတ်သားတဲ့ စည်းမျဉ်းစည်းကမ်းတွေ မတွေ့ရသေးတဲ့ အကြောင်း၊ ဒါတွေ ရှင်းရှင်းလင်းလင်း မရှိဘဲနဲ့ အခုမှ ပါတီဖွဲ့၊ ရွေးကောက်ပွဲဝင်မယ့် သူတွေအတွက် အများကြီး အခက်အခဲတွေ ဖြစ်နေမှာပဲလို့ အဲဒီလိုပြောပါတယ်။ ရွေးကောက်ပွဲ ၀င်မယ်ဆိုတဲ့ ပါတီတွေရဲ့ အခြေအနေကို သူနားထောင်တာ အသံတွေက အရှိန်အဟုန် ကျနေတယ်လို့ သူ အဲဒီလို နားလည်တယ် ဆိုတာကို ပြောပါတယ်။”

၂၀၁၀ ရွေးကောက်ပွဲဝင်ဖို့ နိုင်ငံရေးပါတီအဖြစ် မှတ်ပုံမတင်ဖို့ NLD ပါတီက ဆုံးဖြတ်ခဲ့ပေမဲ့ NLD ပါတီ မရှိတော့ဘူး ဆိုတာကို လုံးဝ လက်မခံကြောင်း ဒေါ်အောင်ဆန်းစုကြည်က ပြောလိုက်တယ်လို့လည်း ဆိုပါတယ်။

“NLD ရဲ့ ရပ်တည်ချက်နဲ့ ပတ်သက်ပြီးတော့ NLD ပါတီ မရှိတော့ဘူးဆိုတာ သူ လုံးဝ လက်မခံဘူး ဆိုတဲ့အကြောင်း၊ ဘာကြောင့်လဲဆိုတော့ NLD ဟာ နဂိုကတည်းက ရှိပြီးသားပါတီ၊ အခုလို မေလ ၆ ရက်နေ့မှာ ထပ်မံ မှတ်ပုံမတင်ရင် အလိုအလျောက် ပျက်ပြယ်တယ်ဆိုတဲ့ အချက်ကို လက်မခံနိုင်ကြောင်း၊ လက်မခံနိုင်တာကိုလည်း ပြောနေတာသက်သက် မဟုတ်ဘူး၊ တရားဥပဒေ လမ်းကြောင်းနဲ့ ဆောင်ရွက်နေတယ် ဆိုတဲ့အကြောင်း အဲဒါတွေကို ပြောပါတယ်။”

ဒီကနေ့ နေ့လယ် ၁ နာရီကနေ ၃ နာရီလောက်ထိ တွေ့ဆုံစဉ်မှာ ဒေါ်အောင်ဆန်းစုကြည်ရဲ့ အမှုကိစ္စအတွက် အထူးအယူခံ လျှောက်ထားမှု လျှောက်လဲချက် ပေးဖို့အပြင် အိမ်ပြင်ဆင်ရေး ကိစ္စတွေကိုပါ ဆွေးနွေးခဲ့ကြတာ ဖြစ်ပါတယ်။

“ကျနော်တို့ နောက်ဆုံးအဆင့် အယူခံပေါ့၊ လုပ်ထုံးလုပ်နည်းအရ အဆင့် ၂ ဆင့်ရှိတယ်။ ပထမတဆင့်က အထူးအယူခံ ၀င်ခွင့်ပြုဖို့ လျှောက်ထားခြင်းပေါ့။ နောက်တခုကတော့ အထူးအယူခံပေါ့။ ပထမအဆင့်ဖြစ်တဲ့ အထူးအယူခံဝင်ဖို့ ခွင့်ပြုတယ်၊ မပြုတယ် အတွက်ကို သီးခြား လျှောက်လဲချက် ပေးရပါမယ်။ အဲဒီ သီးခြားလျှောက်လဲချက် ပေးဖို့ ရက်ချိန်း စောင့်မျှော်နေတာ အခုထိ မရသေးပါဘူး။ အဲဒါအတွက် ပြင်ဆင်တဲ့လုပ်ငန်းကို ထပ်ပြီးတော့ ဆွေးနွေးတာပါ။

“နေအိမ်ပြင်ဆင်ရေး ကိစ္စအတွက် ဒီလအကုန်ထိပဲ အချိန်ရနိုင်မယ်ဆိုပြီး အာဏာပိုင်တွေက ပြောထားတာ ရှိတယ်။ အဲတော့ ဒီလအကုန်မှာ အရေးကြီးတဲ့ အကြမ်းထည် ပြုပြင်မှုတွေ အားလုံး ပြီးနိုင်တယ်။ အချောသတ်တွေက မပြီးနိုင်သေးဘူး။ အဲဒါကြောင့် ဘယ်လောက် အချိန်အတိုင်းအတာ ထပ်လိုမယ်၊ အခြေအနေ အသေးစိတ် ပြုစုပြီးတော့ တင်ပြဖို့ စာကြမ်းပြုစုရန် ဒေါ်အောင်ဆန်းစုကြည်က ညွှန်ကြားပါတယ်။”

ဒီကနေ့ နေအိမ်မှာ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။

မြန်မာနိုင်ငံ အမျိုးသား ပြန်လည်သင့်မြတ်ရေးအတွက် ကျယ်ပြန့်တဲ့ အခြေခံ ချမှတ်ဆောင်ရွက်ဖို့ အင်မတန် အရေးကြီးတဲ့အကြောင်း အိန္ဒိယ အစိုးရက အလေးအနက် ပြောကြားခဲ့ပါတယ်။ မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေရဲ့ ၅ ရက်ကြာ အိန္ဒိယ ခရီးစဉ်အတွက် ပူးတွဲထုတ်ပြန်တဲ့ ကြေညာချက်ထဲမှာ အခုလို ဖော်ပြထားတာပါ။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။

စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေရဲ့ ၅ ရက်ကြာ အိန္ဒိယ ခရီးစဉ်အတွင်း စီးပွားရေးနဲ့ တခြား နှစ်နိုင်ငံ ပူးပေါင်း လုပ်ဆောင်ရေးဆိုင်ရာ ကိစ္စတွေကို ဆွေးနွေး သဘောတူခဲ့ကြပြီး နိုင်ငံရေးနဲ့ဆိုင်တဲ့ အကြောင်းအရာတွေ၊ အခုနှစ်အတွင်း မြန်မာနိုင်ငံမှာ ကျင်းပဖို့ စီစဉ်နေတဲ့ ရွေးကောက်ပွဲ ကိစ္စတွေကို အကျယ်တ၀င့် ဆွေးနွေးပြောဆိုတာ မတွေ့ရပါဘူး။

ဒါပေမဲ့ မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ ဒီမိုကရေစီအရေး ပြုပြင်ပြောင်းလဲမှုတွေ ရရှိဖို့အတွက် အားလုံး ပါဝင်နိုင်ပြီး ကျယ်ပြန့်တဲ့ အခြေခံတွေ ချမှတ် လုပ်ဆောင်ဖို့ အရေးကြီးတဲ့အကြောင်း စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေနဲ့ တွေ့ဆုံတဲ့အခါမှာ အိန္ဒိယ ၀န်ကြီးချုပ် မန်မိုဟန် ဆင်းဂ် (Manmohan Singh) က တိုက်တွန်း ပြောကြားခဲ့တဲ့အကြောင်း နှစ်နိုင်ငံ ပူးတွဲထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။

နှစ်နိုင်ငံ ခေါင်းဆောင်တွေ အနေနဲ့ အကြောင်းအရာ ကိစ္စရပ် တော်တော်များများကို ဆွေးနွေးခဲ့ကြတဲ့အကြောင်း အိန္ဒိယ နိုင်ငံခြားရေး ၀န်ကြီးဌာနက ညွှန်ကြားရေးမှူး တဦးဖြစ်တဲ့ စိုင်းလပ်စ် သန်ဂဲလ် (Sailas Thangal) က ပြောပြပါတယ်။

“ခေါင်းဆောင်တွေဟာ အကြောင်းအရာ တော်တော်များများကို ကျယ်ကျယ်ပြန့်ပြန့် ဆွေးနွေးခဲ့ကြပါတယ်။ နှစ်နိုင်ငံ သဘောတူညီမှု ရခဲ့တဲ့ အထဲက အဓိကကျတဲ့ အချက် ၅ ချက်ကတော့ ရာဇ၀တ်မှု ဆိုင်ရာတွေမှာ အပြန်အလှန် အကူအညီ ပေးကြဖို့၊ အသေးစား စက်မှုလုပ်ငန်းတွေ အကောင်အထည်ဖော်ဖို့ အိန္ဒိယက အကူအညီပေးမယ့် ကိစ္စ၊ သတင်းဖလှယ်ရေးမှာ အိန္ဒိယက အကူအညီပေးမယ့် ကိစ္စ၊ သိပ္ပံနဲ့ နည်းပညာပိုင်း ဆိုင်ရာတွေမှာ ပူးပေါင်းဆောင်ရွက်ဖို့ သဘောတူညီချက်နဲ့ ပုဂံမှာရှိတဲ့ ရှေးဟောင်း အာနန္ဒာဘုရား ပြုပြင်ရေး ကိစ္စတွေ ပါဝင်ပါတယ်။”

တဘက်မှာ တရုတ်နိုင်ငံက မြန်မာစစ်အစိုးရနဲ့ ရင်းရင်းနှီးနှီး ဆက်ဆံပြီး ရေနံနဲ့ သဘာဝဓာတ်ငွေ့တွေ ၀ယ်ယူနေတာကြောင့် ဒါကို ချိန်ခွင်လျှာ ညှိဖို့အတွက် အခုလို မြန်မာစစ်ခေါင်းဆောင် ရောက်နေတုန်း နှစ်နိုင်ငံ သဘောတူညီချက်တွေ၊ အကူအညီပေးမယ့် အစီအစဉ်တွေကို အိန္ဒိယက လက်မှတ်ရေးထိုးဖို့ စီစဉ်တာ ဖြစ်တယ်လို့ ဝေဖန်သူတွေလည်း ရှိပါတယ်။

အိန္ဒိယအနေနဲ့ မြန်မာစစ်ခေါင်းဆောင်ကို အခုလို လက်ခံ တွေ့ဆုံမယ့်အစား မြန်မာနိုင်ငံမှာ ဒီမိုကရေစီနဲ့ လူ့အခွင့်အရေးတွေ ထွန်းကားဖို့အတွက် တိုက်တွန်း လုပ်ဆောင်သင့်တယ် ဆိုပြီး နိုင်ငံတကာ လူ့အခွင့်အရေး အဖွဲ့အစည်းတွေနဲ့ မြန်မာ့ဒီမိုကရေစီ အင်အားစုတွေက တိုက်တွန်းနေတာပါ။

ဒါပေမဲ့ အိန္ဒိယဟာ ကိုယ့်ရပ်တည်ချက်နဲ့ကိုယ် သီးခြား ရပ်တည်နိုင်တဲ့ နိုင်ငံတခု ဖြစ်တာကြောင့် အနောက်နိုင်ငံတွေက ပြောတိုင်း လိုက်မလုပ်သင့်ဘူးလို့ အိန္ဒိယနိုင်ငံက မြန်မာ့အရေး လေ့လာသုံးသပ်သူ မစ္စတာ ကပ်ပူး ဆွာမိ (Kuppu Swami) က ပြောပါတယ်။

“အိန္ဒိယဟာ ဘာကိစ္စမှာပဲဖြစ်ဖြစ် ကိုယ့်ရပ်တည်ချက်နဲ့ကိုယ် လွတ်လွတ်လပ်လပ် ရပ်တည်နိုင်ပါတယ်။ အနောက်နိုင်ငံတွေက ပြောတာတွေကို အိန္ဒိယက ဘာကြောင့် စိတ်ပူပြီး လိုက်လုပ်နေရမှာလဲ။ မြန်မာပြည်ဟာ အိန္ဒိယနိုင်ငံရဲ့ အိမ်နီးချင်းပါ။ အမေရိကန်ရဲ့ အိမ်နီးချင်း မဟုတ်သလို အနောက်နိုင်ငံတွေရဲ့ အိမ်နီးချင်းလည်း မဟုတ်ပါဘူး။ ကျနော်တို့က ဒီမိုကရေစီကို တင်ပို့ ရောင်းချနေတဲ့ တိုင်းပြည်လည်း မဟုတ်ပါဘူး။”

ဒါ့အပြင် ကုလားတန်မြစ် ဖွံ့ဖြိုးရေး စီမံကိန်း၊ တမူး၊ ကလေးဝနဲ့ အိန္ဒိယနိုင်ငံ မဏိပူရပြည်နယ်က မိုးရေးမြို့အကြား ကားလမ်းဖောက်လုပ်ရေးနဲ့ ရိ၊ တီးတိန် ကားလမ်းဖောက်လုပ်ရေး ကိစ္စ၊ မြန်မာနိုင်ငံမှာ IT နည်းပညာ ဖွံ့ဖြိုးရေး အစီအစဉ်တွေအတွက် အိန္ဒိယက ငွေကြေး ထောက်ပံ့ပေးမယ့် အစီအစဉ်တွေ၊ နှစ်နိုင်ငံ စီးပွားရေး ရင်းနှီးမြှုပ်နှံမှု တိုးမြှင့်လုပ်ဆောင်မယ့် အစီအစဉ်တွေလည်း ဆွေးနွေး သဘောတူခဲ့ကြတယ်လို့ နှစ်နိုင်ငံ ပူးတွဲ ကြေညာချက်ထဲမှာ ဖော်ပြထားပါတယ်။

ဗိုလ်ချုပ်မှူးကြီး သန်းရွှေ ဦးဆောင်တဲ့ ကိုယ်စားလှယ်အဖွဲ့ဟာ အိန္ဒိယနိုင်ငံမှာ IT နည်းပညာနဲ့ ဆေးဝါးထုတ်လုပ်မှု လုပ်ငန်းတွေမှာ ရှေ့ကပြေးနေတဲ့ အန်ဒရာ ပရာဒက်ရှ် ပြည်နယ်က ဟိုက်ဒြာဘတ်မြို့ကို ဒီကနေ့ သွားရောက်လေ့လာပြီး မနက်ဖြန် ၂၉ ရက်နေ့မှာ မြန်မာပြည်ကို ပြန်မယ်လို့ သိရပါတယ်။

အိန္ဒိယ စီးပွားရေး လုပ်ငန်းရှင်တွေ အနေနဲ့ မြန်မာနိုင်ငံထဲ လာရောက် ရင်းနှီးမြှုပ်နှံကြဖို့ မြန်မာနိုင်ငံ အမျိုးသား စီမံကိန်း ၀န်ကြီးက ဖိတ်ခေါ်လိုက်ပါတယ်။ မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေနဲ့အဖွဲ့ အိန္ဒိယနိုင်ငံကို ချစ်ကြည်ရေးခရီး ရောက်ရှိနေချိန်မှာ ကုန်သွယ်ရေးနဲ့ ရင်းနှီးမြှုပ်နှံမှု ကိစ္စဟာ နှစ်နိုင်ငံ ခေါင်းဆောင်တွေ အလေးပေး ဆွေးနွေးကြတဲ့ ကိစ္စတခု ဖြစ်ခဲ့ပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။

မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေနဲ့ အိန္ဒိယ ၀န်ကြီးချုပ် မန်မိုဟန် ဆင်းဂ် (Manmohan Singh) တို့နှစ်ဦး မနေ့က တွေ့ဆုံဆွေးနွေးပြီးတဲ့နောက် နှစ်ဘက် သဘောတူညီချက် ၅ ခုကို သက်ဆိုင်ရာ တာဝန်ရှိသူတွေ လက်မှတ်ထိုးခဲ့ကြပါတယ်။ အိန္ဒိယ အစိုးရပိုင် သွင်းကုန်ထုတ်ကုန် ဘဏ်ကနေ မြန်မာနိုင်ငံတွင်း မီးရထားလမ်း ဖောက်လုပ်ရေး လုပ်ငန်းတွေအတွက် အမေရိကန်ဒေါ်လာ သန်း ၆၀ ချေးငှားဖို့ သဘောတူညီခဲ့ကြပါတယ်။ အိန္ဒိယ အစိုးရပိုင် သွင်းကုန်ထုတ်ကုန်ဘဏ် အနေနဲ့ အရင်တုန်းကလည်း ရထားလမ်း ဖောက်လုပ်ရေးလုပ်ငန်း၊ ကြိုးမဲ့ဆက်သွယ်ရေး၊ လျှပ်စစ်သွယ်တန်းရေး စတဲ့ လုပ်ငန်းအချို့အတွက် ဒေါ်လာ သန်း ၂၅၀ ချေးငှားခဲ့ပြီးပါပြီ။

အခုခရီးစဉ် အတွင်းမှာ နှစ်ဘက် ဆွေးနွေးမှုတွေမှာတော့ အဓိက စီးပွားရေးကိစ္စနဲ့ လုံခြုံရေး ကိစ္စတွေက နေရာယူထားတယ်လို့ ပြောရမှာပါ။ မြန်မာနိုင်ငံ အမျိုးသား စီမံကိန်းနဲ့ စီးပွားရေး ဖွံ့ဖြိုးတိုးတက်မှု ၀န်ကြီးဌာန ၀န်ကြီး ဦးစိုးသာက အိန္ဒိယ လုပ်ငန်းရှင်တွေ မြန်မာနိုင်ငံတွင်း ရင်းနှီးမြှုပ်နှံဖို့ ဖိတ်ခေါ်ခဲ့ပါတယ်။

“အိန္ဒိယနိုင်ငံဆိုတာ ကျနော်တို့ရဲ့ အနီးကပ်ဆုံး အိမ်နီးချင်း ဖြစ်တာမို့ နှစ်ဘက် မိတ်ဆွေဆက်ဆံရေးက အင်မတန် ကောင်းပါတယ်။ ဒါကြောင့် အိန္ဒိယက ရင်းနှီးမြှုပ်နှံသူတွေ ကျနော်တို့တိုင်းပြည်ကို လာရောက်ပြီး ရင်းနှီးမြှုပ်နှံ လုပ်ကိုင်ကြဖို့ ဖိတ်ခေါ်ပါတယ်။”

မြန်မာနဲ့ အိန္ဒိယနိုင်ငံဟာ နောက်ပိုင်းနှစ်တွေမှာ နှစ်ဘက် နယ်စပ်လုံခြုံရေး ကိစ္စက အစပြုလို့ ပိုအဆက်အဆံ များလာသလို စီးပွားရေးပိုင်းမှာလည်း ပိုပြီး နီးစပ်လာတယ်လို့ ပြောရမှာပါ။ မြန်မာ၊ အိန္ဒိယ ကုန်သွယ်မှု တန်ဖိုးဟာ အခုနှစ်ပိုင်းအတွင်း ပိုမို များပြားလာတယ်လို့ မြန်မာနိုင်ငံ စီးပွားရေးနဲ့ ကူးသန်းရောင်းဝယ်ရေး ၀န်ကြီးဌာန ၀န်ကြီး ဦးတင်နိုင်သိန်းက ပြောပါတယ်။

“အိန္ဒိယနဲ့ မြန်မာ ကုန်သွယ်ရေး တန်ဖိုးဟာ မကြာခင်နှစ်တွေအတွင်း အလျှင်အမြန် တိုးများလာပါတယ်။ နှစ်ဘက် ကုန်သွယ်ရေးကို ကြည့်မယ်ဆိုရင် ၂၀၀၇-၂၀၀၈ ခုနှစ်မှာ အမေရိကန်ဒေါ်လာ ၈၈၆ သန်းပဲ ရှိရာကနေ အခု ၂၀၀၉-၂၀၁၀ ခုနှစ်မှာ ဒေါ်လာ ၁.၂ ဘီလီယံအထိ တိုးမြင့်လာပါတယ်။”

အိမ်နီးချင်းနိုင်ငံတွေ မြန်မာနိုင်ငံမှာ ရင်းနှီးမြှုပ်နှံဖို့ အဓိက မျက်စိကျတဲ့ လုပ်ငန်းကတော့ ရေနံနဲ့ သဘာဝဓာတ်ငွေ့ ထုတ်လုပ်ရေးလုပ်ငန်း ဖြစ်ပါတယ်။ အိန္ဒိယအနေနဲ့ မြန်မာနိုင်ငံက ရေနံနဲ့ သဘာဝဓာတ်ငွေ့ ထုတ်လုပ်ရေးလုပ်ငန်း အချို့မှာ ရင်းနှီးမြှုပ်နှံမှုတွေ စတင်နေပေမဲ့ အခြား တရုတ်တို့၊ ထိုင်းတို့လို အိမ်နီးချင်း နိုင်ငံတွေလောက် ထင်သလောက် မပေါက်နိုင်သေးပါဘူး။ ဒါကြောင့် အိန္ဒိယရဲ့ စီးပွားရေးခြေလှမ်းဟာ အခြားကိစ္စတွေမှာ အခု အလေးပေးသလို ရှိပေမဲ့ ရေနံနဲ့ သဘာဝဓာတ်ငွေ့ လုပ်ငန်းကို ဦးတည်နေတာ ဖြစ်တယ်လို့ မြန်မာ့စီးပွားရေး လေ့လာသူ ဦးစိန်ဌေးက ယူဆပါတယ်။

“အိန္ဒိယက လိုချင်တာ အားလုံးသိတဲ့အတိုင်းပဲ သဘာဝဓာတ်ငွေ့ လိုချင်တာဗျ။ အဲဒီမှာ သူက တရုတ်ကို မယှဉ်နိုင်တဲ့ အခါကြတော့ နောင် မက်လုံးအနေနဲ့ သူ့မျှော်လင့်ချက်ကတော့ ဆက်ဆံမှုကို ပိုပြီး ရေရှည်မှာ ထားချင်တဲ့သဘော ရှိတာပေါ့လေ။ နောက်တခုက မြန်မာ့နိုင်ငံရေးကလည်း သိတဲ့အတိုင်း တရုတ်နဲ့ ကုလားကြားမှာ သူက Balance လုပ်နေတာပေါ့။ အိန္ဒိယဆီက ရင်းနှီးမြှုပ်နှံမှုနဲ့ ပတ်သက်လာရင်လည်း လောလောဆယ် ရထားလမ်းတွေ Improve ဖြစ်အောင် ဟိုဘက်ကပေးတဲ့ Investment တွေရှိတယ်။

“ဗိုလ်ချုပ်မှူးကြီး သန်းရွှေက အဓိကတော့ တရုတ်နဲ့ ကုလားကြားမှာ Balance ဖြစ်အောင်၊ မြွေမသေ တုတ်မကျိုးဖြစ်အောင်၊ အကယ်၍များ စီးပွားရေး ပိတ်ဆို့မှုတွေက ပြင်းထန်လာပြီး တရုတ်ဘက်ကိုလည်း နည်းနည်း ဖိအားပေးလာရင် ကုလားက အကာအကွယ်ရအောင် လုပ်ထားတဲ့ သဘောပါ။ လောလောဆယ်ကတော့ တရုတ်တွေကို ယှဉ်လို့မရပါဘူး၊ ကုလားက။”

အိန္ဒိယနိုင်ငံဟာ အရင်က မြန်မာ့ဒီမိုကရေစီရေးကို ထောက်ခံပေမဲ့ နောက်ပိုင်းမှာတော့ စီးပွားရေးအရ ပိုပြီး ထိစပ်ချင်လာတဲ့သဘော တွေ့ရပါတယ်။ ဒါဟာလည်း တရုတ်နိုင်ငံဟာ မြန်မာနိုင်ငံအပေါ် စီးပွားရေးရော နိုင်ငံရေးအရပါ လွှမ်းမိုးလာမှာကို အိန္ဒိယဘက်က စိုးရိမ်တာကြောင့်လို့ လေ့လာသူတွေက ယူဆပါတယ်။ အထူးသဖြင့် အိန္ဒိယနိုင်ငံဟာ မြန်မာနိုင်ငံတွင်းက ရေနံနဲ့ သဘာဝဓာတ်ငွေ့ ထုတ်လုပ်မှု လုပ်ငန်းတွေမှာ တရုတ်နဲ့ယှဉ်ပြီး ဈေးကွက်လုဖို့ ကြိုးစားနေတဲ့သဘော ဖြစ်တယ်လို့ ဆိုပါတယ်။

ဗိုလ်ချုပ်မှူးကြီး သန်းရွှေနဲ့ အဖွဲ့ အိန္ဒိယခရီးစဉ် မနေ့ကတော့ အိန္ဒိယ၊ မြန်မာ နှစ်နိုင်ငံအကြား သဘောတူညီချက် ၅ ခု လက်မှတ်ထိုးခဲ့ကြပါတယ်။ ဖွံ့ဖြိုးရေးဆိုင်ရာ အကူအညီပေးမယ့် နားလည်မှု စာချွန်လွှာ၊ ရာဇ၀တ်မှုဆိုင်ရာ အပြန်အလှန် အကူအညီပေးရေး စာချုပ်၊ သိပ္ပံနဲ့ နည်းပညာဆိုင်ရာ ပူးပေါင်းဆောင်ရွက်မှု သဘောတူညီချက်၊ ပြန်ကြားရေး လုပ်ငန်းဆိုင်ရာ သဘောတူညီချက်နဲ့ ပုဂံက အာနန္ဒာဘုရား ပြန်လည်ပြုပြင်ရေး လုပ်ငန်းဆိုင်ရာ သဘောတူညီချက်တွေ ချုပ်ဆိုခဲ့ကြတာ ဖြစ်ပါတယ်။ မိုင် ၁,၀၂၅ မိုင် ရှည်လျားတဲ့ နှစ်ဘက် နယ်စပ်တလျှောက် လက်နက်မှောင်ခိုလုပ်ငန်း၊ မူးယစ်ဆေးဝါး ကူးသန်းရောင်းဝယ်မှု လုပ်ငန်းတွေကို နှိမ်နင်းဖို့ သဘောတူညီချက်တွေလည်း ပါဝင်ခဲ့ပါတယ်။

အမေရိကန် ဦးဆောင်နေတဲ့ အာဖဂန်နစ္စတန် စစ်ပွဲဆိုင်ရာ လျှို့ဝှက် စာရွက်စာတမ်းတွေ ထောင်ချီ ထွက်လာခဲ့ရာမှာ လူမသိသေးတဲ့ အချက်အသစ်တွေ မပါဘူးလို့ အမေရိကန် သမ္မတ ဘရက်ခ် အိုဘားမား (Barack Obama) က ပြောပါတယ်။

အရေးကြီးတဲ့ စစ်ရေးသတင်းတွေ ပေါက်ကြားသွားတာဟာ စိုးရိမ်စရာကိစ္စ ဖြစ်ပေမဲ့ အင်တာနက်ပေါ် ရောက်သွားတဲ့ စာရွက်စာတမ်းတွေကတော့ မနှစ်က သူ ချပြခဲ့ပြီးဖြစ်တဲ့ စစ်မဟာဗျူဟာမှာ ပါခဲ့တဲ့ သတင်း အချက်အလက်တွေအပြင် အခြားအချက်တွေတော့ မပါခဲ့ပါဘူးလို့ မစ္စတာ အိုဘားမားက အင်္ဂါနေ့က ဆိုပါတယ်။

ပြီးခဲ့တဲ့ ၆ နှစ်တာကာလ အာဖဂန်နစ္စတန် စစ်ပွဲဆိုင်ရာ စာရွက်စာတမ်းတွေကို WikiLeaks အင်တာနက် စာမျက်နှာပေါ် တနင်္ဂနွေနေ့က တင်ခဲ့တာ ဖြစ်ပါတယ်။ အဲဒီ စာရွက်စာတမ်းတွေထဲမှာ ညွန့်ပေါင်းတပ်ဖွဲ့တွေရဲ့ တိုက်ခိုက်မှုကြောင့် ဖြစ်ရတယ်လို့ စွပ်စွဲထားတဲ့ အရပ်သား ထိခိုက်မှု စာရင်းလည်း ပါဝင်ပါတယ်။

အာဖဂန်နစ္စတန်မှာ လှုပ်ရှားနေကြတဲ့ သူပုန်အုပ်စု အချို့ကို ပါကစ္စတန် ထောက်လှမ်းရေး ISI က ပံ့ပိုးပေးနေတယ်ဆိုတဲ့ စွပ်စွဲချက်တွေလည်း ပါဝင်ပါတယ်။

မဟာဗျူဟာ အသစ်အောက်မှာ အမေရိကန်ဟာ အာဖဂန်နစ္စတန်မှာ အာရုံစိုက် လုပ်ဆောင်မယ့် ကိစ္စတွေကို တိုးမြှင့်ခဲ့တယ်လို့ သမ္မတ အိုဘားမားက သတင်းထောက်တွေကို ပြောပါတယ်။ ဒါ့အပြင် အာဖဂန်နစ္စတန်အပြင် အိမ်နီးချင်း ပါကစ္စတန် အနေနဲ့ ပိုပြီး တာဝန်ခံမှု ရှိဖို့ကိုလည်း အထူးပြု ပြောဆိုသွားပါတယ်။

ဗြိတိသျှ ရေနံကုမ္ပဏီ BP ရဲ့ အမှုဆောင် အကြီးအကဲ တိုနီ ဟေးဝါ့ဒ် (Tony Hayward) ဟာ အောက်တိုဘာလ ၁ ရက်နေ့မှာ နှုတ်ထွက်ပေးတော့မှာ ဖြစ်ကြောင်းနဲ့ မက္ကဆီကို ပင်လယ်ကွေ့က ရေနံယိုဖိတ်မှုနဲ့ ပတ်သက်ပြီး ဆောင်ရွက်ဖို့အတွက် အမေရိကန်ဒေါ်လာ ဘီလီယံပေါင်း ၃၂.၂ ဘီလီယံ ဖယ်ထားတယ်လို့ BP ကုမ္ပဏီက အင်္ဂါနေ့မှာ ကြေညာချက် ထုတ်ပြန်လိုက်ပါတယ်။

မက္ကဆီကို ပင်လယ်ကွေ့ ရေနံယိုဖိတ်မှုကြောင့် ဒုတိယ လေးလပတ်အတွက် ဆုံးရှုံးမှုဟာ ဒေါ်လာ ဘီလီယံပေါင်း ၁၇ ဘီလီယံ ရှိပြီလို့ ကြေညာချက်မှာ ဖော်ပြပါတယ်။ ဒီဆုံးရှုံးမှုကို ကာမိစေဖို့အတွက် လာမယ့် ၁၈ လအတွင်း ကုမ္ပဏီရဲ့ ပိုင်ဆိုင်မှု ဒေါ်လာ ဘီလီယံ ၃၀ ဖိုးလောက်ကို ရောင်းချမယ်လို့ ဆိုပါတယ်။

ဒါဟာ မက္ကဆီကို ပင်လယ်ကွေ့က ရေနံယိုဖိတ်မှုဒဏ်ကို ခံခဲ့ရတဲ့ ဒေသခံတွေအတွက် လျော်ကြေးပေးဖို့ ရန်ပုံငွေ ဘီလီယံ ၂၀ ချထားပေးဖို့ပါ ပါဝင်ပါတယ်။

BP ရေနံကုမ္ပဏီ အကြီးအကဲ တိုနီ ဟေးဝါ့ဒ် နေရာမှာ ဘော့ဘ် ဒပ်ဒ်လေ (Bob Dudley) ကို ခန့်ထားမှာဖြစ်ပြီး သူဟာ ပထမဆုံး အမေရိကန်နိုင်ငံသား BP ကုမ္ပဏီရဲ့ အကြီးအကဲတယောက် ဖြစ်လာတော့မှာပါ။

ဧပြီလ ရေနံတူးစင် ပေါက်ကွဲမှုကြောင့် အလုပ်သမား ၁၁ ဦး သေဆုံးခဲ့ရတဲ့ အပြင် ရေနံတွေ ပင်လယ်ကွေ့တလျှောက် ယိုစိမ့် ပျံ့နှံ့နေချိန်မှာ သူ့ရှင်သန်မှုအတွက် ပြောဆိုမှု အပါအ၀င် လူမှုရေးအရ အနှောင့်အယှက် ဖြစ်စေတဲ့ အပြောအဆို မှားယွင်းမှုတွေကြောင့် မစ္စတာ ဟေးဝါ့ဒ်ဟာ ဝေဖန်မှု များစွာကို ရင်ဆိုင်ခဲ့ရပါတယ်။

သူဟာ BP ကုမ္ပဏီရဲ့ ဘုတ်အဖွဲ့ဝင် လူကြီးအဖြစ် နိုဝင်ဘာလကုန် အထိတော့ ရှိနေဦးမယ်လို့ BP ကုမ္ပဏီက ပြောပါတယ်။

အိန္ဒိယနိုင်ငံနဲ့ ဆက်ဆံရေး ပြန်လည် ရှင်သန်လာအောင် ကြိုးစားတဲ့အနေနဲ့ ၃ ရက်ကြာ ခရီးစဉ်အဖြစ် ဗြိတိန်ဝန်ကြီးချုပ် ဒေးဗစ် ကင်မရွန်း (David Cameron) ဟာ အိန္ဒိယနိုင်ငံကို အင်္ဂါနေ့က ရောက်ရှိသွားခဲ့ပါတယ်။

အိန္ဒိယနိုင်ငံနဲ့ ကုန်သွယ်ရေး တိုးမြှင့်ဖို့ အဓိကထားတဲ့ အနေနဲ့ ဗြိတိန် စီးပွားရေးသမားတွေနဲ့ အစိုးရ အရာရှိတွေလည်း မစ္စတာ ကင်မရွန်းနဲ့အတူ လိုက်ပါလာခဲ့ကြပါတယ်။

အိန္ဒိယလို ထွန်းသစ်စ စီးပွားရေးရှိတဲ့ နိုင်ငံတွေနဲ့ စီးပွားရေး တွဲဖက် လုပ်ကိုင်ခြင်းအားဖြင့် ဗြိတိန်နိုင်ငံမှာ စီးပွားရေး ပြန်ကောင်းလာလိမ့်မယ်လို့ အစိုးရက ယူဆပါတယယ်။ အဲဒီကိုယ်စားလှယ် အဖွဲ့ထဲမှာ ဗြိတိန်နိုင်ငံက အဓိက ကုမ္ပဏီကြီးတွေ ဖြစ်ကြတဲ့ ငွေကြေးကုမ္ပဏီ ဘာ့ကလေနဲ့ ကာကွယ်ရေးကဏ္ဍက BAE ကုမ္ပဏီတို့ရဲ့ အမှုဆောင် အရာရှိချုပ်တွေလည်း ပါဝင်သွားကြပါတယ်။

၃ ရက်ကြာ အခုခရီးစဉ်အတွင်းမှာ မစ္စတာ ကင်မရွန်းက အိန္ဒိယ ၀န်ကြီးချုပ် မန်မိုဟန် ဆင်းဂ် (Manmohan Singh) နဲ့လည်း တွေ့ဆုံမှာ ဖြစ်ပါတယ်။

အိန္ဒိယက စိုးရိမ်နေတဲ့ ကိစ္စတခုကတော့ လူဝင်မှု ကြီးကြပ်ရေးကို ဗြိတိန်အစိုးရက တင်းကျပ်မှာပဲ ဖြစ်ပါတယ်။ အဲဒီလိုလုပ်ခဲ့ရင် ဗြိတိန်မှာ အလုပ်အကိုင် သွားရှာကြမယ့် ဆရာဝန်၊ သူနာပြု၊ အင်ဂျင်နီယာတွေအပေါ် အဆိုးသက်ရောက်မှု ရှိလိမ့်မယ်လို့ အိန္ဒိယ ကုန်သွယ်ရေးဝန်ကြီး အာနန်ဒ် ရှာမာ (Anand Sharma) က ပြောပါတယ်။

ဒီနှစ်အတွင်း ကျင်းပမယ့် ရွေးကောက်ပွဲ မတိုင်မီ အပစ်အခတ်ရပ် တိုင်းရင်းသား လက်နက်ကိုင် အဖွဲ့တွေကို နယ်ခြားစောင့်တပ်အဖြစ် အသွင်ပြောင်းဖို့ စစ်အစိုးရဘက်က ဖိအားပေးမှုတွေ ရှိနေသလို အပစ်အခတ် မယူသေးတဲ့ လက်နက်ကိုင် တပ်ဖွဲ့တွေနဲ့ နီးစပ်တဲ့ အရပ်သား ကျေးရွာတွေမှာလည်း တိုက်ခိုက်မှုတွေ ရှိနေပါတယ်။ ပြီးခဲ့တဲ့ရက်ပိုင်းအတွင်း ကရင်ပြည်နယ်မြောက်ပိုင်း ဖာပွန်ခရိုင်အတွင်းရှိ ကရင်ကျေးရွာတချို့ကို မြန်မာစစ်အစိုးရ တပ်ရင်း ၃ ရင်းက တိုက်ခိုက်ခဲ့တဲ့အတွက် ရွာသူရွာသားပေါင်း ၉၀၀ နီးပါး အိုးအိမ်စွန့် ထွက်ပြေးခဲ့ရပါတယ်။

အိမ်ခြေ ၇၀ လောက်နဲ့ စာသင်ကျောင်း၊ ဘုရားကျောင်းတွေ မီးလောင် ပျက်စီးခဲ့ရပေမဲ့ ရွာသူ ရွာသားတွေကတော့ အချိန်မီ ထွက်ပြေးနိုင်ခဲ့လို့ အသေအပျောက် မရှိဘူးလို့ မြန်မာပြည်တွင်း အိုးအိမ်စွန့် ထွက်ပြေးသူ IDPs တွေကို ကူညီကယ်ဆယ်ပေးနေတဲ့ ထိုင်းအခြေစိုက် Free Burma Rangers အဖွဲ့က ဗွီအိုအေ မြန်မာပိုင်းကို ပြောခဲ့ပါတယ်။ အပြည့်အစုံကို နော်ရှိုးက တင်ပြပေးထားပါတယ်။

ပြီးခဲ့တဲ့ရက်ပိုင်းအတွင်း ကရင်ပြည်နယ်မြောက်ပိုင်း ဖာပွန်ခရိုင်မှာ အဓိက ပစ်မှတ်ထား တိုက်ခိုက်ခြင်း ခံခဲ့ရတဲ့ ရွာကတော့ အဲဒီဒေသမှာ အချက်အချာကျတဲ့ သဒါးဒဲရွာ ဖြစ်ပါတယ်။ စစ်ကူတပ်ရင်းတရင်းနဲ့ အတူ မြန်မာစစ်အစိုးရတပ် ခလရ ၃၆၁ နဲ့ ၃၇၀ တို့ဟာ သဒါးဒဲရွာထဲ မ၀င်ခင် ဇူလိုင်လ ၂၃ ရက်နေ့က မော်တာကျည်ဆန် အလုံး ၄၀ လောက်နဲ့ ၄ နာရီကြာ ပစ်ခတ်ခဲ့ပြီးမှ ရွာထဲဝင်ရောက် မီးရှို့ခဲ့တယ်လို့ Free Burma Rangers အဖွဲ့ရဲ့ တာဝန်ရှိသူတဦးက ဗွီအိုအေ မြန်မာပိုင်းကို အခုလို ပြောခဲ့ပါတယ်။

“မြန်မာစစ်အစိုးရ တပ်ရင်း ၂ ရင်းက သဒါးဒဲကျေးရွာကို မော်တာတွေနဲ့ ပစ်ခတ်ပြီး ၀င်ရောက်ခဲ့တာပါ။ ကံကောင်းထောက်မစွာပဲ ရွာသားတွေကတော့ အချိန်မီ ထွက်ပြေးနိုင်ခဲ့လို့ တယောက်မှ အသေအပျောက် မရှိပါဘူး။ နောက် မြန်မာစစ်တပ်က သဒါးဒဲရွာနဲ့ တကော်တိုဘောရွာတွေကို မီးရှို့ခဲ့ပါတယ်။ လူနေအိမ်ခြေ ၇၀ နီးပါးအပြင် သစ်တွေနဲ့ အခိုင်အမာ ဆောက်ထားတဲ့ အဲဒီဒေသက အကြီးဆုံး ဘုရားကျောင်း တကျောင်းနဲ့ စာသင်ကျောင်း တကျောင်းတို့ မီးလောင် ပျက်စီးခဲ့ရပါတယ်။ ဒါ ကြီးမားတဲ့ ဆုံးရှုံးမှုပါ။”

အခုလို စစ်အစိုးရတပ်တွေရဲ့ တိုက်ခိုက်မှုကြောင့် သဒါးဒဲရွာနဲ့ အနီးအနားမှာရှိတဲ့ တခေါ့ဒိုဘောရွာက ရွာသား ၆၀၀ လောက် ထွက်ပြေးခဲ့ရတဲ့အပြင် တိုက်ခိုက်ခြင်း မခံရပေမဲ့ အနီးအနား ထီးမူဒဲကျေးရွာက ရွာသူရွာသား ၃၀၀ လောက်လည်း ကြောက်အားလန့်အားနဲ့ အ်ိုးအိမ်စွန့် ထွက်ပြေးခဲ့ကြရတယ်လို့ Free Burma Rangers က ပြောပါတယ်။ အခုလောလောဆယ်မှာတော့ အိုးအိမ်စွန့် ထွက်ပြေးလာရတဲ့ ရွာသားတွေရဲ့ စားဝတ်နေရေး အခြေအနေကတော့ လုံလုံလောက်လောက် ရှိနေတယ်လို့ Free Burma Rangers အဖွဲ့က ပြောပါတယ်။

“သူတို့အတွက် စောင်တွေ၊ ပလတ်စတစ် အမိုးတွေ၊ ဆေးဝါးတွေ၊ အစားအသောက်တွေကို ကျနော်တို့ ပို့ပေးနေပါတယ်။ လောလောဆယ်မှာတော့ အဆင်ပြေတယ်လို့ ပြောလို့ရပါတယ်။ အစားအသောက်လည်း အလုံအလောက် ရှိနေပါတယ်။ ဒါပေမဲ့ နောက် ၂ ပတ်ကနေ ၁ လလောက် ကြာရင်တော့ အခက်အခဲတွေ စတွေ့နိုင်ပါတယ်။”

သဒါးဒဲရွာဟာ စစ်အစိုးရရဲ့ တိုက်ခိုက်မှုကို ၁၉၉၈ ပတ်ဝန်းကျင်တုန်းက တကြိမ်၊ လွန်ခဲ့တဲ့ ၂ နှစ်က တကြိမ်၊ အရင်နှစ်တုန်းက တကြိမ် တိုက်ခိုက်ခံခဲ့ရဖူးပါတယ်။ အခုနောက်ဆုံး တိုက်ခိုက်မှု နောက်ပိုင်းမှာတော့ အဆောက်အဦး ၁၀ ခုလောက်ပဲ ကျန်တယ်လို့ ကရင်အမျိုးသား လွတ်မြောက်ရေးတပ် (KNLA) တပ်မဟာ ၅ ရဲ့ တပ်မဟာမှူး စောဘောကျော်ဟဲက ဗွီအိုအေ မြန်မာပိုင်းကို ပြောပါတယ်။

“အခု တိုက်ခိုက်မှုတွေ အားလုံးတော့ ပြီးသွားပါပြီ။ ရွာသားတွေကတော့ မပြန်ရဲသေးပါဘူး။ ပြန်ရင်လည်း နေစရာ မရှိပါဘူး။ မြန်မာစစ်တပ်တွေကတော့ ပြန်ဆုတ်ခွာသွားပါပြီ။”

ဇူလိုင်လ ၂၃ ရက်နေ့က စတင် ၀င်ရောက်တိုက်ခိုက်ခဲ့တဲ့ မြန်မာစစ်တပ်တွေဟာ ဇူလိုင်လ ၂၄ ရက်နေ့အထိ အဲဒီရွာထဲမှာ ရှိနေခဲ့တာပါ။ အခုနောက်ဆုံး အခြေအနေနဲ့ ပတ်သက်ပြီး တပ်မဟာမှူး စောဘောကျော်ဟဲက ဆက်ရှင်းပြပါတယ်။

“အိမ်ခြေ ၁၀ ခုလောက်ပဲ ကျန်ပါတယ်။ ကျန်တာတွေအားလုံး မီးလောင်သွားပါပြီ။ စစ်အစိုးရ တပ်တွေကတော့ နောက်ရက်ပိုင်း အတွင်းတော့ လာနိုင်မယ် မထင်ဘူး။ နောက်တလ နှစ်လဆိုရင်တော့ မပြောနိုင်ဘူး။”

အခုလို ဖာပွန်ခရိုင်မှာ ပညာရေး၊ ကျန်းမာရေး၊ စီးပွားရေးနဲ့ စိုက်ပျိုးရေးအတွက် အချက်အချာကျတဲ့ သဒါးဒဲကျေးရွာ တိုက်ခိုက်ခံရတာဟာ ကြီးမားတဲ့ ဆုံးရှုံးမှု ဖြစ်တယ်လို့ Free Burma Rangers အဖွဲ့က ဆိုပါတယ်။

ဒီနှစ်အတွင်း ကျင်းပမယ့် ရွေးကောက်ပွဲ မတိုင်မီ အပစ်အခတ်ရပ် တိုင်းရင်းသား လက်နက်ကိုင် အဖွဲ့တွေကို နယ်ခြားစောင့်တပ်အဖြစ် အသွင်ပြောင်းဖို့ စစ်အစိုးရဘက်က ဖိအားပေးမှုတွေ ရှိနေသလို အပစ်အခတ် မယူသေးတဲ့ လက်နက်ကိုင် တပ်ဖွဲ့တွေနဲ့ နီးစပ်တဲ့ အရပ်သား ကျေးရွာတွေမှာလည်း တိုက်ခိုက်မှုတွေ ရှိနေပါတယ်။ ခုရက်ပိုင်းအတွင်း နယ်ခြားစောင့်တပ်အဖြစ် အသွင်ပြောင်းဖို့ ငြင်းဆိုထားတဲ့ ဗိုလ်မှူး နှုတ်ခမ်းမွေး ဦးဆောင်တဲ့ DKBA တပ်ဒေသကို မြန်မာစစ်တပ်က ထိုးစစ်ဆင်ဖို့ ရှိတာကြောင့် မြ၀တီမြို့ တောင်ပိုင်း ကော့ကရိတ်ခရိုင်က အရပ်သား ရွာသူရွာသားပေါင်း ရာနဲ့ချီပြီး ထိုင်းနယ်စပ်ဘက်ကို ထွက်ပြေးနေကြတာ ဖြစ်ပါတယ်။

အခုနောက်ဆုံး တိုက်ခိုက်ခံခဲ့ရတဲ့ သဒါးဒဲကျေးရွာဟာ ဆိုရင်လည်း ကရင်အမျိုးသား လွတ်မြောက်ရေးတပ် (KNLA) တပ်မဟာ ၅ လှုပ်ရှားရာနေရာ ဖြစ်ပါတယ်။ အခုလို စစ်အစိုးရရဲ့ အင်အားသုံး နှိမ်နင်းမှုတွေနဲ့ ပတ်သက်ပြီး ကရင်အမျိုးသား အစည်းအရုံး (KNU)၊ European Karen Network ခေါ် ဥရောပတခွင်က ကရင်တိုင်းရင်းသားများ ကွန်ယက်အဖွဲ့နဲ့ အတူ လန်ဒန်အခြေစိုက် ခရစ်ယာန် သွေးစည်းညီညွတ်ရေးအဖွဲ့ (CSW) တို့က ရှုတ်ချလိုက်ပြီး ကရင်အပါအ၀င် တခြား လူနည်းစု တိုင်းရင်းသား အရပ်သားတွေကို အင်အားသုံး တိုက်ခိုက်တာကို ရပ်တန်းက ရပ်ရေးအတွက် နိုင်ငံတကာ အနေနဲ့ စစ်အစိုးရကို ဖိအားပေးဖို့ ကြေညာချက်တွေ ထုတ်ပြန်ပြီး ဆော်ဩထားပါတယ်။

ဒါ့အပြင် မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေဟာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုနဲ့ စစ်ရာဇ၀တ်မှု ကျူးလွန်ရာ ရောက်မရောက် ကုလသမဂ္ဂက ကြီးမှူးပြီး အထူးစုံစမ်းစစ်ဆေးရေး ကော်မရှင်တရပ် ဖွဲ့စည်းရေးကိုလည်း အမြန်ဆုံး အကောင်အထည်ဖော်ဖို့ ထပ်လောင်း တိုက်တွန်းထားပါတယ်။

မြောက်ကိုရီးယားဘက်က ရန်လိုမှုတွေကို အဟန့်အတား ဖြစ်စေဖို့ ရည်ရွယ်ပြီး အမေရိကန်နဲ့ တောင်ကိုရီးယားတို့ရဲ့ ၃ ရက်မြောက် စစ်ရေးလေ့ကျင့်တဲ့ ဒီနေ့ အရှေ့ပင်လယ်ထဲမှာ နှစ်ဘက် စစ်သင်္ဘောတွေကနေ ပစ်ခတ်လေ့ကျင့်မှုတွေ၊ ရေနက်ဗုံး ကြဲချမှုတွေကို လေ့ကျင့်ခဲ့ကြပါတယ်။

အသုံးမပြုတော့တဲ့ ရေငုပ်သင်္ဘောတစင်းကို မြောက်ကိုရီးယား ရေငုပ်သင်္ဘောလို သဘောထားပြီး ပစ်မှတ်ထား တိုက်ခိုက်ခဲ့တယ်လို့ တောင်ကိုရီးယား ကာကွယ်ရေး တာဝန်ရှိသူတွေက ပြောပါတယ်။

ဒီကနေ့ ပူးတွဲ စစ်ရေးလေ့ကျင့်မှုကို ကိုရီးယားကျွန်းဆွယ် အရှေ့ဘက် ၇၅ မိုင်လောက်နဲ့ မြောက်ကိုရီးယား ရေပိုင်နက်ရဲ့ တောင်ဘက်တွေမှာ ပြုလုပ်ခဲ့ကြတာပါ။

အခုလို စစ်ရေးလေ့ကျင့်မှုကြောင့် မြောက်ကိုရီးယားတို့ဘက်က ရန်လိုတဲ့ လုပ်ရပ်တွေ နောင်မှာ လုပ်မလာအောင် အဟန့်အတား ဖြစ်လိမ့်မယ်လို့ အမေရိကန် ရေတပ်သင်္ဘော USS George Washington ပေါ်ကနေ ရေတပ်ဗိုလ်ချုပ်ကြီး ဒန် ကလွိုက်ဒ် (Dan Cloyd) က ဗွီအိုအေကို ပြောပါတယ်။

မတ်လတုန်းက မြောက်ကိုရီးယား လက်ချက်နဲ့ တောင်ကိုရီးယား စစ်သင်္ဘော နစ်မြုပ်ခဲ့ရတာလို့ စုံစမ်းတွေ့ရှိခဲ့ပြီးနောက်မှာ ခုလို အမေရိကန်နဲ့ တောင်ကိုရီးယား ပေါင်းပြီး စစ်ရေးလေ့ကျင်တာ ဖြစ်ပါတယ်။ ၄ ရက်ကြာမယ့် ပူးတွဲ စစ်ရေးလေ့ကျင့်မှုကို ကိုးရီးယားစစ်ပွဲ ပြေငြိမ်းတာ ၇၅ နှစ်ပြည့် နှစ်ပတ်လည် အထိမ်းအမှတ်နဲ့ တိုက်ဆိုင်ပြုလုပ်တာ ဖြစ်ပါတယ်။

BP ရေနံကုမ္ပဏီရဲ့ အမှုဆောင် အရာရှိချုပ်အသစ် ဖြစ်လာတော့မယ့် ဘော့ဘ် ဒပ်ဒ်လေ (Bob Dudley) က သူ့ရဲ့ အဓိက ဦးစားပေး လုပ်ငန်းဟာ မက္ကဆီကို ပင်လယ်ကွေ့မှာ ပျက်စီးသွားတဲ့ ရေနံတွင်းကို လုံးဝ ပိတ်ပစ်လိုက်နိုင်ဖို့၊ ထွက်ထားတဲ့ ရေနံတွေကို ရှင်းလင်းဖို့နဲ့ ဒေသအခြေအနေကို ပြန်လည်ထိန်းသိမ်းဖို့ ဖြစ်တယ်လို့ ပြောလိုက်ပါတယ်။

BP ရဲ့ လုပ်ငန်းလည်ပတ် လုပ်ဆောင်တဲ့ သဘာဝကို ပြောင်းလဲပစ်ဖို့နဲ့ အခုလို ဘေးအန္တရာယ်မျိုး နောက်တကြိမ် ထပ်ဖြစ်မလာအောင် ကာကွယ် တားဆီးနိုင်ရေးအတွက် လုံခြုံရေးဆိုင်ရာ အစီအမံတွေ ချမှတ်ဖို့ ဖြစ်တယ်လို့ ABC ရုပ်မြင်သံကြားနဲ့ တွေ့ဆုံမေးမြန်းခန်း တခုမှာ ဒပ်ဒ်လေက ပြောသွားပါတယ်။

မက္ကဆီကို ပင်လယ်ကွေ့ ပင်လယ်ပြင်ထဲ ရေနံတွေ ထွက်နေတဲ့ကိစ္စကို ကိုင်တွယ်ပုံနဲ့ ပတ်သက်ပြီး ဝေဖန် ပြောဆိုခံရပြီးတဲ့နောက် အမှုဆောင် အရာရှိချုပ် တိုနီ ဟေးဝါ့ဒ် (Tony Hayward) ဟာ အောက်တိုဘာလ ၁ ရက်နေ့မှာ ရာထူးက နှုတ်ထွက်တော့မှာဖြစ်ပြီး ဒပ်ဒ်လေက သူ့နေရာကို ဆက်ခံမှာ ဖြစ်ပါတယ်။

ပင်လယ်ကွေ့ ကမ်းရိုးတန်းမှာ ကြီးပြင်းခဲ့တဲ့ ဒပ်ဒ်လေဟာ ဗြိတိန်သျှပိုင် BP ရေနံကုမ္ပဏီကို ဦးဆောင်မယ့် ပထမဆုံး အမေရိကန် နိုင်ငံသား ဖြစ်ပါတယ်။

အိန္ဒိယနိုင်ငံကို ခရီးလှည့်နေတဲ့ မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေဟာ ဒီကနေ့မှာ အိန္ဒိယသမ္မတ ပရာတီဘာ ပတေးလ် (Pratibha Patil)၊ ဝန်ကြီးချုပ် မန်မိုဟန် ဆင်းဂ် (Manmohan Singh) တို့နဲ့ တွေ့ဆုံခဲ့ပါတယ်။ နယူးဒေလီမြို့တော်ကို ရောက်လာတဲ့ ဗိုလ်ချုပ်မှူးကြီးနဲ့ ဇနီးတို့ကို သမ္မတအိမ်တော်မှာ အိန္ဒိယ နိုင်ငံခြားရေးဝန်ကြီးက နိုင်ငံတော် အခမ်းအနားနဲ့ ကြိုဆိုခဲ့တာပါ။

မြန်မာစစ်ခေါင်းဆောင်နဲ့ အိန္ဒိယ ခေါင်းဆောင်တွေကြား ၂ နိုင်ငံ ဆက်ဆံရေး ပိုမိုကောင်းမွန်ဖို့နဲ့ ကုန်သွယ်ရေး တိုးမြှင့်ရေး ကိစ္စတွေကို ဆွေးနွေးခဲ့ကြတယ်လို့ အိန္ဒိယကလာတဲ့ သတင်းတွေမှာ ဖော်ပြပါတယ်။

ဒါ့အပြင် မြန်မာနယ်စပ်ဘက်မှာ ခိုအောင်းနေတဲ့ အိန္ဒိယ သူပုန်တွေကို နှိမ်နင်းရေး၊ လက်နက်မှောင်ခိုကူးမှု နှိမ်နင်းရေးနဲ့ ၂ နိုင်ငံနယ်စပ် လုံခြုံရေး ကိစ္စတွေအပြင် ကုန်သွယ်ရေးဆိုင်ရာ စာချုပ် ၅ ခုထက် မနည်းကိုလည်း နှစ်နိုင်ငံ သဘောတူ လက်မှတ်ရေးထိုးခဲ့ကြပါတယ်။

အိန္ဒိယက EXIM ဘဏ်ကနေ မြန်မာကို ချေးထားတဲ့ ချေးငွေ ဒေါ်လာ သန်း ၆၀ ကို ဆက်ပြီး သက်တမ်းတိုး ချေးလိုက်တယ်လို့ ရိုက်တာသတင်းမှာ ရေးထားပါတယ်။

အိန္ဒိယနဲ့ မြန်မာ ဆက်ဆံရေးဟာ အင်မတန် ကောင်းမွန်နေတယ်လို့ ခရီးစဉ်မှာ ပါသွားတဲ့ အမျိုးသား စီမံကိန်းနဲ့ စီးပွားရေး ဖွံ့ဖြိုးတိုးတက်ရေး ဝန်ကြီး ဦးစိုးသာ ပြောတာကိုလည်း AFP သတင်းမှာ ကိုးကား ဖော်ပြထားပါတယ်။ အိန္ဒိယ ပုဂ္ဂလိက လုပ်ငန်းတွေ အနေနဲ့ မြန်မာနိုင်ငံမှာ စီးပွားရေးလုပ်ဖို့ တိုက်တွန်းလိုတယ်လို့လည်း ဝန်ကြီး ဦးစိုးသာက ပြောခဲ့ပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဦးဆောင်တဲ့ ဒီမိုကရေစီရေး ကြိုးပမ်းမှုတွေကို အိန္ဒိယနိုင်ငံက အရင်က ထောက်ခံခဲ့ပေမဲ့ နောက်ပိုင်းမှာ အိန္ဒိယ အစိုးရက မြန်မာအပေါ်ထားတဲ့ ရပ်တည်ချက် ပြောင်းသွားခဲ့တာ ဖြစ်ပါတယ်။

လွန်ခဲ့တဲ့ ၁၀ စုနှစ်အတွင်း မြန်မာစစ်ဗိုလ်ချုပ်တွေနဲ့ စီးပွားရေးအရရော၊ စစ်ရေးအရပါ အိန္ဒိယက အဆက်အဆံ လုပ်လာပြီး မြန်မာအပေါ် အရေးယူ ဒဏ်ခတ်မှုတွေထက် တိတ်တဆိတ် နားချတာက ပိုပြီး ထိရောက်တယ်လို့ အိန္ဒိယက လက်ခံထားပါတယ်။

မြန်မာနိုင်ငံမှာ ဒီမိုကရေစီနည်းကျ ပြုပြင်ပြောင်းလဲမှုတွေ လုပ်ဖို့နဲ့ အတိုက်အခံတွေ၊ လူနည်းစု တိုင်းရင်းသားတွေနဲ့ ဆွေးနွေးမှုတွေ လုပ်ရေးကို အိန္ဒိယက မြန်မာကို တိုက်တွန်းမယ်လို့ မျှော်လင့်တဲ့အကြောင်း အမေရိကန် အစိုးရက ပြောထားပါတယ်။

တနင်္ဂနွေနေ့ကတည်းက အိန္ဒိယနိုင်ငံကို ရောက်နေတဲ့ ဗိုလ်ချုပ်မှူးကြီး သန်းရွှေနဲ့ အဖွဲ့ဟာ ကြာသပတေးနေ့အထိ အိန္ဒိယနိုင်ငံမှာ ရှိနေမှာဖြစ်ပြီး အိန္ဒိယရဲ့ IT နည်းပညာမြို့ဖြစ်တဲ့ ဟိုက်ဒရာဘတ် (Hyderabad) နဲ့ စက်မှုမြို့ဖြစ်တဲ့ ဂျမ်းရှက်ဒ်ပူး (Jamshedpur) မြို့တွေဆီကိုလည်း သွားဖို့ အစီအစဉ် ရှိပါတယ်။ ဒီနေ့မှာလည်း အိန္ဒိယနိုင်ငံက ငြိမ်းချမ်းရေး ဗိသုကာကြီး မဟတ္တမဂန္ဒီရဲ့ ဂူဗိမာန်ကို သွားရောက် ဂါရဝပြုခဲ့ကြပါတယ်။

ဗိုလ်ချုပ်မှူးကြီး သန်းရွှေရဲ့ ၅ ရက်ကြာ အိန္ဒိယ ခရီးစဉ်အတွင်းမှာ မြန်မာ့ဒီမိုကရေစီရေး လှုပ်ရှားသူတွေကလည်း ကန့်ကွက် ဆန္ဒပြမှုတွေ လုပ်နေကြပါတယ်။

ဒေသအတွင်း ရှေးအကျဆုံး ဒီမိုကရေစီ ထွန်းကားခဲ့တဲ့ အိန္ဒိယနိုင်ငံလို တိုင်းပြည်မျိုး အနေနဲ့ အိမ်နီးချင်း မြန်မာနိုင်ငံ ဒီမိုကရေစီရေးအတွက် တွန်းတွန်းတိုက်တိုက် ဖိအားပေး ပြောဆိုသင့်တယ်ဆိုပြီး နယူးယောက်ခ် အခြေစိုက် လူ့အခွင့်အရေး အဖွဲ့ကနေ လက်ရှိ အိန္ဒိယနိုင်ငံရဲ့ မြန်မာ့အရေး ဆိတ်ဆိတ်နေမှုအပေါ် ပြစ်တင်ဝေဖန်လိုက်ပါတယ်။ အသေးစိတ်ကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

မြန်မာစစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေရဲ့ အိန္ဒိယ ခရီးစဉ်အတွင်း ဒီကနေ့မှာတော့ အိန္ဒိယ၀န်ကြီးချုပ် မန်မိုဟန် ဆင်းဂ် (Manmohan Singh) နဲ့ တွေ့ဆုံဖို့ ရှိပါတယ်။ အိန္ဒိယ၀န်ကြီးချုပ် အနေနဲ့ မြန်မာစစ်ခေါင်းဆောင်နဲ့ တွေ့ဆုံတဲ့ အချိန်မှာ မြန်မာနိုင်ငံတွင်း လူ့အခွင့်အရေး အခြေအနေနဲ့ ဒီမိုကရေစီ ပြုပြင်ပြောင်းလဲမှုတွေကိုလည်း အလေးပေး ဆွေးနွေးဖို့ Human Rights Watch လူ့အခွင့်အရေး အဖွဲ့ကြီးက တိုက်တွန်းလိုက်တာပါ။ နှစ်နိုင်ငံ တွေ့ဆုံစဉ်မှာ သေချာပေါက် ဆွေးနွေးမယ်လို့ ယူဆရမယ့် စီးပွားရေးနဲ့ လုံခြုံရေးဆိုင်ရာ ကိစ္စရပ်တွေကြောင့်တော့ မြန်မာပြည်သူတွေရဲ့ အခြေခံလွတ်လပ်ခွင့် အကာအကွယ်ပေးဖို့ အကြောင်းရပ်ကို ချန်လှပ်မထားသင့်ဘူးလို့ လူ့အခွင့်အရေး အဖွဲ့က သတိပေးခဲ့ပါတယ်။

ဒေသတွင်း ရှေးအကျဆုံး ဒီမိုကရေစီ ထွန်းကားတဲ့ နိုင်ငံတနိုင်ငံ အနေနဲ့တော့ အထူးသဖြင့် မြန်မာနိုင်ငံမှာ လုပ်မယ့် ရွေးကောက်ပွဲကိစ္စ လွတ်လပ်မျှတဖို့ကို ထောက်ပြ ဝေဖန် ပြောဆိုသင့်တယ်လို့ လူ့အခွင့်အရေး အဖွဲ့က တိုက်တွန်းထားပါတယ်။ အိန္ဒိယနိုင်ငံဟာ မြန်မာနဲ့ စီးပွားရေးအရ အတော်လေး ပြောဆို ပတ်သက်နေနိုင်တဲ့ အဆင့်ကနေ ရှေ့တိုးဆောင်ရွက်ပါလို့ HRW လူ့အခွင့်အရေး စောင့်ကြပ်မှုအဖွဲ့ ၀ါရှင်တန်ရုံး ဒါရိုက်တာ ဆိုဖီ ရစ်ချတ်ဒ်ဆန် (Sophie Richardson) က ပြောပါတယ်။

“ကျမအထင်တော့ နိုင်ငံရေးနဲ့ ပတ်သက်လို့လည်း အိန္ဒိယနိုင်ငံက မြန်မာအစိုးရကို ပြောဆို ဖျောင်းဖျနိုင်ပါတယ်။ ဒါပေမဲ့ အသေအချာ ကြိုးမှ မကြိုးစားတာ။ အိန္ဒိယအနေနဲ့ မြန်မာနိုင်ငံထဲမှာ စီးပွားရေး အကျိုးစီးပွားတွေ ရှိပါတယ်။ တရားဝင် ထုတ်သာမပြောတာ၊ စီးပွားရေးဆိုင်ရာ မူဝါဒ ဆုံးဖြတ်မှုတွေမှာ အိန္ဒိယက ပါဝင်ပတ်သက်နေပါတယ်။ ဒီအခြေအနေကနေ အပြုသဘောဆောင်ပြီး ရှေ့တိုး လုပ်ဆောင်သင့်ပါတယ်။ မြန်မာနိုင်ငံမှာ စစ်မှန်တဲ့ ဒီမိုကရေစီရေး ပြုပြင်ပြောင်းလဲမှုတွေ လုပ်ဖို့နဲ့ လူ့အခွင့်အရေး ချိုးဖောက်မှုတွေ အပေါ်မှာ တာဝန်ယူ ဖြေရှင်းဖို့ ကိစ္စတွေကို တွန်းအားပေး ဆောင်ရွက်သင့်ပါတယ်။”

မြန်မာအစိုးရ အနေနဲ့ လူ့အခွင့်အရေး ချိုးဖောက်မှုတွေ ဆက်လုပ်နေမယ်၊ ဒီမိုကရေစီ တိုးတက်မှုတွေ မလုပ်နိုင်ဘူးဆိုရင် မြန်မာနိုင်ငံသာမက အိန္ဒိယ အပါအ၀င် ဒေသအတွင်း အခြားနိုင်ငံတွေကိုပါ အကျပ်အတည်း ဖြစ်စေလိမ့်မယ် ဆိုတာကို အခု ဗိုလ်ချုပ်မှူးကြီး သန်းရွှေ ခရီးစဉ်အတွင်းမှာ အိန္ဒိယဘက်က သဘောပေါက်အောင် ပြောဆိုသင့်တယ်လို့ လူ့အခွင့်အရေးအဖွဲ့က ထောက်ပြပါတယ်။

ဒါပေမဲ့ အိန္ဒိယအစိုးရ အနေနဲ့ မြန်မာစစ်ခေါင်းဆောင် ဗိုလ်ချုပ်မှူးကြီး သန်းရွှေကို ဒီမိုကရေစီရေး၊ လူ့အခွင့်အရေး ကိစ္စတွေ ပြောမလား ဆိုတာကတော့ သံသယ ၀င်စရာပါ။ လေ့လာသူ အချို့ကတော့ စီးပွားရေးနဲ့ အခြား နှစ်နိုင်ငံ ကုန်သွယ်ရေး ကိစ္စတွေကိုပဲ အလေးပေး ဆွေးနွေးနေတဲ့ အချိန်မှာ အခုလို မျက်နှာနာစရာတွေကိုတော့ ပြောနိုင်ချေ မရှိဘူးလို့ တွက်ပါတယ်။

အိန္ဒိယနိုင်ငံ အနေနဲ့ကလည်း အခုနှစ်တွေ နောက်ပိုင်းမှာ မြန်မာ့ဒီမိုကရေစီရေးနဲ့ ပတ်သက်လို့ ပြောတာဆိုတာ သိပ်မတွေ့ရတော့လို့ပါ။ တောင်အာရှဒေသ ပြုပြင်ပြောင်းလဲရေး ကိစ္စတွေ ဦးဆောင်ပြောနေတဲ့ အိန္ဒိယလို နိုင်ငံမျိုးက အိမ်နီးချင်း မြန်မာကိစ္စမှာတော့ ဆိတ်ဆိတ်နေတာဟာ အတော် အံ့အားသင့် တုန်လှုပ်စရာပဲလို့လည်း ဆိုဖီ ရစ်ချတ်ဒ်ဆန်က ဝေဖန်ပါတယ်။

“အိန္ဒိယအစိုးရ အနေနဲ့ တချိန်လုံးလိုလို ပါကစ္စတန်၊ ကက်ရ်ှမီးယား၊ အာဖဂန်နစ္စတန် စတဲ့နိုင်ငံတွေ ပြုပြင်ပြောင်းလဲရေး ကိစ္စမှာ တွန်းအားပေး ဆောင်ရွက်နေတာတွေပဲ တွေ့နေရပါတယ်။ ဒီလို အခန်းကဏ္ဍမျိုးမှာ လုပ်ဆောင်နေနိုင်ရဲ့နဲ့ အပြုသဘော အနေနဲ့ ချဉ်းကပ် ဆောင်ရွက်နိုင်ရဲ့သားနဲ့ မြန်မာနိုင်ငံ ဒီမိုကရေစီရေးမှာကျတော့ ခပ်ဆိတ်ဆိတ် နေနေတာ အတော်လေး တုန်လှုပ် အံ့သြစရာပါပဲ။”

ဗိုလ်ချုပ်မှူးကြီး သန်းရွှေရဲ့ အခုလို ရှားရှားပါးပါး နိုင်ငံခြားခရီးစဉ် တခုမှာ မြန်မာ့အရေး နိုင်ငံတကာက ဘယ်လို သဘောထားနေသလဲ ဆိုတာ အိန္ဒိယအစိုးရ အနေနဲ့ ပြောဖို့ဆိုဖို့ သင့်တယ်လို့ ယူဆသူတွေကတော့ အတော်များများပါ။ အိန္ဒိယလို အိမ်နီးချင်း တိုင်းပြည်တွေ အနေနဲ့ မြန်မာနိုင်ငံမှာ အပြောင်းအလဲ လုပ်ဖို့တော့ လိုအပ်နေပြီ ဆိုတာကို ပြောဆိုတိုက်တွန်းဖို့ အမေရိကန်ပြည်ထောင်စု အနေနဲ့ အားပေး တိုက်တွန်းတယ်လို့လည်း ပြီးခဲ့တဲ့ သောကြာနေ့က အမေရိကန် နိုင်ငံခြားရေးဌာန ပြောခွင့်ရသူက ပြောခဲ့ပါတယ်။

အာဖဂန်နစ္စတန်စစ်နဲ့ ပတ်သက်လို့ ပြီးခဲ့တဲ့ ၆ လအတွင်း လျှို့ဝှက် အမေရိကန် စစ်ဘက် အစီရင်ခံစာတွေလို့ ဆိုတဲ့ ပေါက်ကြားခဲ့တဲ့ စာရွက်စာတမ်းတွေကို အများသိအောင် ထုတ်ပြန်မှုအပေါ် အမေရိကန် ပြည်ထောင်စုက ပြစ်တင်ရှုတ်ချလိုက်ပါတယ်။

Wikileaks ၀က်ဘ်ဆိုက်မှာ လျှို့ဝှက် အစီရင်ခံစာပေါင်း ၉၁,၀၀၀ နဲ့ ၇၆,၀၀၀ ကို တင်ထားတာ ဖြစ်ပါတယ်။ အဲဒီအထဲမှာ နိုင်ငံခြား တပ်ဖွဲ့ဝင်တွေက သူပုန်ပစ်မှတ်တွေကို ၀င်ရောက် စီးနင်းရာမှာ အရပ်ဘက် သေဆုံးမှုတွေ ပါဝင်ကြောင်း အသေးစိတ် အချက်အလက်တွေကို ဖော်ပြထားပါတယ်။

စာရွက်စာတမ်းတွေမှာ ပါကစ္စတန် ထောက်လှမ်းရေးဌာနက အာဖဂန် သူပုန်တွေကို အကူအညီ ပေးနေကြောင်းလည်း စွပ်စွဲ ဖော်ပြထားပါတယ်။

အိမ်ဖြူတော် ပြောခွင့်ရပုဂ္ဂိုလ် ရောဘတ် ဂစ်ဘ်စ် (Robert Gibbs) က အခုလို ပေါက်ကြားမှုတွေဟာ ဥပဒေကို ချိုးဖောက်ရာ ရောက်တယ်လို့ ဆိုပြီး အမေရိကန် စစ်တပ်အပြင် မဟာမိတ်တွေကိုပါ အန္တရာယ် ရှိစေနိုင်တယ်လို့ သတင်းထောက်တွေကို တနင်္လာနေ့က ပြောခဲ့ပါတယ်။

စာရွက်စာတမ်းတွေမှာ ကျယ်ကျယ်ပြန့်ပြန့် ဖော်ထုတ်မှုတွေတော့ မရှိကြောင်း၊ အမေရိကန် ပြည်ထောင်စု အနေနဲ့ အရပ်ဘက် သေဆုံး ဒဏ်ရာရရှိမှုတွေနဲ့ ပတ်သက်လို့ စိုးရိမ်မကင်း ဖြစ်တဲ့အကြောင်းနဲ့ ပါကစ္စတန် အနေနဲ့ စစ်သွေးကြွတွေအတွက် ခိုကိုးရာနေရာ ဖြစ်ခဲ့တာ ကြာပြီဖြစ်ကြောင်း ဂစ်ဘ်စ်က ပြောပါတယ်။

Wilileaks ကို မတည်ခဲ့သူ ဂျူလီယန် အာစန်း (Julian Assange) ကတော့ အထောက်အထားတွေဟာ စစ်ရာဇ၀တ်မှုတွေ ကျူးလွန်ကြောင်း သက်သေပြရာ ရောက်တယ်လို့ သူယူဆကြောင်း လန်ဒန်မှာ သတင်းထောက်တွေကို တနင်္လာနေ့က ပြောကြားခဲ့ပြီး ရာဇ၀တ်မှု ကျူးလွန်ရာ မြောက်မမြောက်ကိုတော့ သက်ဆိုင်ရာ တရားရုံးတော်တွေက အဆုံးအဖြတ် ပေးရမှာ ဖြစ်တယ်လို့ သူက ပြောပါတယ်။

အာဖဂန်နစ္စတန် တောင်ပိုင်း ဟယ်မန်ပြည်နယ်မှာ ပြီးခဲ့တဲ့ သောကြာနေ့ နေတိုးတပ်က ဒုံးကျည်နဲ့ တိုက်ခိုက်တာကြောင့် အရပ်သား ၅၂ ဦး သေဆုံးခဲ့တယ်ဆိုတဲ့ အာဖဂန်သမ္မတ ဟာမစ် ကာဇိုင်း (Hamid Karzai) ပြောဆိုချက် အပေါ်မှာ အာဖဂန်မှာရှိတဲ့ ISAF နိုင်ငံတကာ လုံခြုံရေးတပ်က အငြင်းပွားနေပါတယ်။

တနင်္လာနေ့ ထုတ်ပြန်တဲ့ ISAF ကြေညာချက်မှာတော့ နေတိုးတပ်နဲ့ အာဖဂန်အစိုးရ ပူးပေါင်း စုံစမ်း စစ်ဆေးမှုတွေအတွင်း အရပ်သားတွေ သေကျေ ထိခိုက်တယ်ဆိုတဲ့ အထောက်အထားမျိုးတွေ မတွေ့ရသေးဘူးလို့ ISAF ပြောခွင့်ရသူ ဗိုလ်ချုပ်ကြီး ဂရက် စမစ်သ် (Greg Smith) က ပြောပါတယ်။

ဒါပေမဲ့လည်း အာဖဂန် ထောက်လှမ်းရေးတပ်ဖွဲ့ရဲ့ စုံစမ်း ထောက်လှမ်းချက်အရ နေတိုးတပ်ရဲ့ ဒုံးကျည်ဟာ ဟယ်မန်ပြည်နယ် ဆန်ဂင်းခရိုင်က အိမ်တလုံးပေါ်ကို ကျရောက်ခဲ့တယ်လို့ မစ္စတာကာဇိုင်းက တနင်္လာနေ့မှာပဲ ပြောပါတယ်။

နေတိုး ဦးဆောင်တဲ့ ညွန့်ပေါင်းတပ်ဖွဲ့တွေနဲ့ တာလီဘန် သောင်းကျန်းသူတွေ အကြား တိုက်ပွဲတွေကနေ ရှောင်ပြီး အရပ်သားတွေဟာ အဲဒီအိမ်ထဲမှာ ခိုအောင်းနေကြတာ ဖြစ်တယ်လို့ အာဖဂန် တာဝန်ရှိသူတွေက ပြောပါတယ်။

ဒါပေမဲ့လည်း အဲဒီကျေးရွာမှာ အရပ်သားတွေ ထိခိုက် သေကျေတယ်ဆိုတဲ့ အခုလို စွပ်စွဲချက်တွေနဲ့ ပတ်သက်လို့ ခိုင်မာတဲ့ အထောက်အထား မရှိဘူးလို့ ISAF ဗိုလ်ချုပ်ကြီး စမစ်သ်က ပြောပါတယ်။

အခုကိစ္စမှာ အာဖဂန်သမ္မတ ကာဇိုင်းနဲ့ မဟာမိတ်တပ်တွေအကြား သတင်းအချက်အလက် ကွဲလွဲနေမှုနဲ့ ပတ်သက်လို့ ဖြေရှင်းချက်တွေ မတွေ့ရသေးပါဘူး။

ထိုင်းအာဏာရ ပါတီက ကြားဖြတ်ရွေးကောက်ပွဲမှာ အနိုင်ရရှိလိုက်တာကြောင့် လမ်းမများပေါ်မှာ အကြမ်းဖက် ဆန္ဒပြမှုတွေကို လုံခြုံရေးတပ်တွေက နှိမ်နင်းပြီး ၂ လအကြာမှာ လူထုရဲ့ သဘောထား ဆန္ဒကို စမ်းသပ်လိုက်တာ ဖြစ်တယ်လို့ အနိုင်ရပါတီက ပြောပါတယ်။

ဒီမိုကရက်ပါတီ ကိုယ်စားလှယ် ပါနစ်ရှ် ၀ီကီစထရက်သ် (Panich Vikitsreth) က ဘန်ကောက်မှာ တနင်္ဂနွေနေ့ ရွေးကောက်ပွဲမှာ သူ အနိုင်ရလိုက်တာဟာ လူ ၉၀ သေဆုံးခဲ့တဲ့ ပဋိပက္ခကို အစိုးရက ကိုင်တွယ် ဖြေရှင်းမှုအပေါ် လူထုက ထောက်ခံတာကို ပြသရာ ရောက်တယ်လို့ ပြောခဲ့ပါတယ်။

အတည်မပြုရသေးတဲ့ အနိုင်အရှုံး စာရင်းတွေအရ သူက မဲ ၅၄% ရရှိထားပါတယ်။

ပါနစ်ရ်ှနဲ့ ယှဉ်ပြိုင်သူ ခိုးကော့ ပီကူးလ်သောင် (Kokaew Pikulthong) ကတော့ ရှပ်နီဝတ် ဆန္ဒပြသူတွေ ဦးဆောင်ခဲ့လို့ အကျဉ်းကျနေသူ ဖြစ်ပါတယ်။

ခိုးကော့ဟာ မဲ ၄၀% ရရှိတယ် ဆိုရင်တော့ ရှပ်နီလှုပ်ရှားမှုဟာ အားကောင်းပြီး သွေးစည်းဆဲရှိတယ် ဆိုတာကို ပြသရာ ရောက်တယ်လို့ တသီးပုဂ္ဂလ အကဲခတ်တွေက ပြောပါတယ်။

မဲရုံတွေ အပိတ်မှာ ဗုံးပေါက်ကွဲခဲ့လို့ လူ ၁ ဦးသေဆုံးပြီး ၁၀ ဦး ဒဏ်ရာရရှိခဲ့တဲ့ အမှုကို ရဲက စုံစမ်း စစ်ဆေးနေတာ ဖြစ်ပါတယ်။ ဒဏ်ရာရသူတွေအနက် တဦးဟာ မြန်မာအမျိုးသမီး ဖြစ်တယ်လို့လည်း သတင်းတွေမှာ ဖော်ပြထားပါတယ်။