က မ္ဘာကျော် ဖက်ရှင်ဒီဇိုင်းနား  Alexander McQueen ဟာဖေဖေါ်ဝါရီလ ဆယ့်တစ်ရက်နေ့မှာသူ့ရဲ့နေအိမ် လန်ဒန်မြို့မှာ ကြိုးဆွဲ ချသေဆုံးခဲ့ပါတယ်။ သူသေဆုံးမှုသတင်းဟာ ဖက်ရှင်လောကကြီးကို တုန်လှုပ်သွားစေပါတယ်၊  ဟောလိဝုဒ် ကမင်းသမီးကြီး ငယ်ကစပြီး ပြင်သစ်၊ အင်င်္ဂလန် နဲ့ ဥရောပတစ်ခွင်က မော်ဒယ် ပေါက်စလေးတွေအဆုံး သူ့ဒီဇိုင်းမဝတ် ဘူးတဲ့သူမရှိသလောက်လို့ ဆိုကြပါတယ်၊ ဗြိတိန် နိုင်ငံမှာ ထူးချွန်သူတွေကို ဘုရင်မကြီး က ဂုဏ်ပြု ချီးမြင့် လေ့ရှိတဲ့ CBE (Companion of British Empire) ဂုဏ်ဆောင် ဆုကို ၂၀၀၃ကရရှိ ထားသူဖြစ်ပြီး အသက် လေးဆယ် အရွယ် အိမ်ထောင်မရှိသူ လိင်တူဆက်ဆံသူ တစ်ဦးပါ။

Alexander McQueen & Kate Moss

ထူးခြားချက်က  သူ့မိခင်ကိုအလွန်ချစ်ခင် အားကိုးသူတစ်ယောက်ဖြစ်ပြီး သူ့မိခင်မရှိရင် သူရပ်တည်နိုင်မယ် မထင်ကြောင်း စာနယ်ဇင်းတွေကိုပြောလေ့ရှိပါတယ်၊ ယခုသေဆုံး မှုမှာလဲစိတ်ဓတ်ကျပြီး မိခင်မရှိတော့တဲ့ အတွက်သူ့ကိုယ်သူအဆုံးစီရင်သွားတယ်လို့ မီဒီယာတွေကသုံးသပ်ကြပါတယ်။  သူ့မိခင်ဟာ ဖေဖော်ဝါရီ နှစ်ရက်နေ့မှာကျန်းမာရေး ကြောင့်ဆုံးပါးခဲ့ ရပြီး မိခင် ဆုံးပြီး ကိုးရက်အကြာမှာ သူသေဆုံးခဲ့တာပါ၊ ရဲအဖွဲ့ ကလဲသူသေဆုံးမှုဟာ လူသတ်မှုမဟုတ်ကြောင်း ကိုယ့်ကိုကိုယ် သေကြောင်းကြံမှုသာဖြစ်တယ်လို့ မနေ့ကအတည်ပြုပြောကြားသွားပါတယ်။သူသေဆုံးမှု ဝမ်းနဲခြင်းနဲ့ဂုဏ်ပြု အထိမ်းမှတ် ပွဲ ကို နာမည်ကျော် မော်ဒယ် Naomi Campbell နဲ့  Kate Moss တို့ ဦးဆောင်ပြီး ဖက်ရှင်ပြပွဲတစ်ခု လန်ဒန်မြို့မှာဆက်ရှစ်ရက်နေ့က ကျင်းပသွားပါတယ်၊ အဲဒီပွဲမှာ မော်ဒယ်များ ကသူ့ရဲ့ ဒီဇိုင်းဝတ်စုံများဝတ်ဆင် လျှောတ်ပြပြီး  ဝတ်စုံတွေကို လေလံတင်ရောင်းချခဲ့ပါတယ်၊ ရရှိတဲ့ ငွေအားလုံးကို ဟေတီ ငလျှင် ဒုက္ခသည်များကို လှူဒန်းသွားမှာဖြစ်ကြောင်း ဦးဆောင်သူများကပြောကြားသွားပါတယ်။ အောက်ပါပုံများကတော့ Alexandar Mcqueen ရဲ့ ဒီဇိုင်းလက်ရာ များဖြစ်ပါတယ်။

Collections of Alexander McQueen

ချစ်သူများနေ့ ဆိုတဲ့ ဖေဖေါ်ဝါ ရီ ဆယ့် လေးရက်နေ့ဟာ နိုင်ငံတစ်ကာ ကအသိအမှတ်ပြုပြီး ချစ်သူများသာမက သူငယ်ချင်းတွေ မိသားစုတွေပါ ပါဝင်ပျော်ရွှင် ဆင်နွှဲ လာကြတဲ့ နေ့ တစ်ခုအနေနဲ့ ကမ္ဘာတစ်လွှားမှာရေပန်းစားလွန်းလှပါတယ်။  မြန်မာလူငယ် များ အတွက်လဲ  သင်္ကြန်ပွဲတို့ နှစ်သစ်ကူးပွဲတို့လို အထင်ကရ ရင်ခုန် ကြည်နူးရတဲ့ နေ့တစ်နေ့ဖြစ်လာပါပြီ။ လွန်ခဲ့တဲ့ ဆယ်နှစ် ကျော် ဆယ့်ငါးနှစ် ကာလများ တုန်းကတော့ ချစ်သူများနေ့ ဆိုတာ မြန်မာပြည်မှာ  ခပ်မှိန်မှိန် ပဲရှိခဲ့ဘူးပါတယ်။ အမှန်တစ်ကယ်တော့ ချစ်သူများနေ့ရဲ့ ရာဇဝင် အစ ဟာ ရိုမီယို နဲ့ဂျူလိယက် ၊ ရှင်မွေ့နွန်း နဲ့ မင်းနဒ္ဒာ၊ ဒဏ္ဍာရီ ဇတ်လမ်းတွေလို စံတင် စရာ ကောင်းတဲ့အဖြစ်တွေ မရှိခဲ့သလို၊  တစ်ခုလပ် အမျိုးသမီးကို လက်ထပ်ဖို့ ဘုရင်အဖြစ်က ဆင်းပေး တဲ့ အင်္ဂလန် ဘုရင် အပ်ဒဝဎ် လို ကမ္ဘာ ကျော်တဲ့ အဖြစ်မှန် ဇတ်လမ်း မျိုးကို လဲ အခြေမခံခဲ့ပါဘူး၊ ဒါပေမဲ့ ဘာဖြစ်လို့ လူအများ ကြား တစ်နေ့ ထက် တစ်နေ့ ခေတ်စားလာသလဲဆို တာ စဉ်းစားစရာ တစ်ခုပါပဲ။

အင်္ဂလိပ်လို Valentine day သို့မဟုတ် St.Valentine day ဟာ ရိုမန်ကသလစ်ဘုန်းကြီးများရဲ့ နာမည် ကနေအခြေခံခဲ့ တာပါ၊ Valentine ဆိုတာ လက်တင် အမည်ဖြစ်ပြီး ခရစ်ယာန် ဘုန်းကြီးအများစုကမှည့်ခေါ်ကြပါတယ်၊ အကြောင်းအမျိုး မျိုးကြောင့် ရောမခေတ်က St.Valentine တွေ အသတ်ခံရ၊ မြေမြုပ်ခံ ကြရတာတွေ ဟာလဲ ချစ်သူများနေ့ ဖြစ်ပေါ်လာဖို့ အခြေမခံခဲ့ပါဘူး၊ အနဲငယ်သက်ဆိုင် တဲ့ ရာဇဝင် တစ်ခုကတော့ ရောမဘုရင်ရဲ့ ဥပဒေ ကိုဘာသာရေးကြောင့်  မထောက်ခံ တဲ့အမှုနဲ့ထောင်ကျနေတဲ့ St.Valentine တစ်ဦးဟာ ထောင်မှူးရဲ့သမီး ကိုတစ်ခါမြင်ဘူးပြီး အသတ်ခံရ ခါနီး အချိန်မှာ ကဗျာစပ်ပြီး (Be my valentine) ဆိုပြီးရေးပို့ ခဲ့တဲ့အကြောင်း အင်္ဂလိပ်ရာဇဝင်မှာ ဖေါ်ပြထားပါတယ်၊ တစ်ချို့က အဲဒီ ဖြစ်စဉ်ကို အခြေခံပြီးပေါ်ပေါက်လာတယ်လို့လဲရေးသားကြတယ်၊ တစ်ကချို့ကလဲ အဲဒါမမှန်ဘူးလို့ ပြောဆိုကြပါတယ်၊ မှန် မှန်၊ မမှန်မှန် ဒါဟာလဲ ချစ်သူများနေ့ဖြစ်လောက်အောင် ရာဇဝင်မတွင်ပါဘူး၊ သေချာတာကတော့ ဆယ့်ရှစ် ရာစုအစပိုင်း တုန်းက စီးပွါးရေးလုပ်ငန်း ရှင်များက ရာဇဝင် တွေ ဒဏ္ဍာရီတွေကို အခြေ ခံပြီး ဆန်းသစ် တီထွင် လိုက်ခြင်းပါပဲ။

ဒီလို အရင်းရှင်စီးပွါးရေး သမားတွေရဲ့ ထွင်ကွက်ကို မြင်တာရယ်၊ အစ္စလာမ် ဘာသာရေးကို အလေးအမြတ်ထား တာတွေရယ်ကြောင့် ဆော်ဒီ နဲ့ ပါကစ္စတန်နိုင်ငံက ချစ်သူများနေ့ကို တစ်ရားဝင် ပိတ်ပင်ထားပါတယ်။ သူတို့အမြင်မှာ ဒီယဉ်ကျေးမှု ဟာခရစ်ယာန် ဘုန်းကြီးများ ရဲ့အမည်နဲ့ သက်ဆိုင်နေ တယ်လို့ လဲယူဆပုံရပါတယ်။အနောက်နိုင်ငံ တွေမှာတော့ ချစ်သူများနေ့မတိုင်ခင် တစ်ပတ် ဆယ်ရက် အလို ထဲက စတိုးဆိုင် တွေ ကုန်တိုက် တွေ ရောင်းအားကောင်းပုံက ခရစ်စ္စမတ်စ် တို့ Easter တို့လို ပွဲတော်ရက်များ နီးတဲ့ အခါသမယ လိုပါပဲ။ စားသောက် ဆိုင် နဲ့ ဟိုတယ် တွေက လဲ ချစ်သူများနေ့ ညစာ၊ နေ့လည်စာ စသည်ဖြင့် စွဲမက်စရာ ကြော်ငြာပေါင်းစုံနဲ့   ကြိုတင် booking လုပ်ဖို့  အပြိုင် အဆိုင် marketing တွေလုပ်ကြနဲ့ စည်ကားလှပါတယ်။ နေရာ အရပ် ရပ်က ချစ်သူ တွေ က ဆယ့် လေးရက်နေ့မှာ ဆုံဖို့ လုပ်ကြ တော့ ရထားကုမ္ပဏီ တွေ လေယာဉ် ကုမ္ပဏီ တွေလဲ တော် တော်အလုပ်ဖြစ်ကြပါတယ်။ ချော့ကလက်၊ ပန်းနဲ့ ကာဒ် တွေဖလှယ်တဲ့ ရိုးရာ ထက် ပိုပြီး ယခု နောက်ပိုင်းမှာ တော့ တန်ဖိုးကြီးလက်ဆောင် တွေပိုအသုံးပြုလာကြပါတယ်။

ဂျပန် မှာချစ်သူများနေ့ ယဉ်ကျေးမှုဟာ ဆယ့်ကိုးရာစုနှစ်လည် ကအစပြုခဲ့တယ်လို့ဆိုပါတယ်၊  အနောက်နိုင်ငံ ချော့ကလက် ကုမ္ပဏီ တစ်ခုက ဖဲပြားစီး ထားတဲ့ အသဲပုံ ချော့ကလက် တွေ နဲ့ ဈေးကွက်ကိုစတင်ခဲ့တာပါ။ ကိုရီးယား၊ စင်္ကာပူ နဲ့ တစ်ရုတ်ပြည် တွေမှာလဲ ဒီယဉ်ကျေးမှုဟာ အရှိန်ဟုန်မြင့်ဆဲပါပဲ၊ အင်န္ဒိယ မှာတော့ လက်ခံချင်သူ နဲ့ မကြိုက်သူတွေကြား အငြင်းပွါး နေဆဲ၊ ဒီလို အထင်ကရ ရာဇဝင်မရှိပဲ စီးပွါးရေးသမား တွေရဲ့ ကစားမှုနဲ့ ကြီးထွားလာတဲ့ ချစ်သူများနေ့ယဉ်ကျေး မှု ကို ကျမတို့ မြန်မာတွေအားလုံးကရော ကြိုဆိုကြပါသလား၊ အနောက်နိုင်ငံ ရဲ့ယဉ်ကျေးမှု တွေ သာမကအခြားနိုင်ငံများရဲ့ ဟစ်ဟော့ ယဉ်ကျေးမှု၊ ကိုရီးယား ယဉ်ကျေးမှု တွေ သိသိ သာသာ နေရာယူလာမှုကိုရော သတိထားမိကြပါသလား၊ ဒါမှ မဟုတ် sub-culture တစ်ခုအနေနဲ့မွေးစားထားမှာလား၊ နောင် ဆယ်စုနှစ်များစွာကြာ တဲ့အခါ St.Valentine day ဆိုပြီး မြန်မာပြက္ခဒိန် အကွက် တွေထဲ မှာရော
အသိမှတ်ပြု ထည့်ရေးလာနိုင်ပါသလား၊ အနာဂတ်မှာရော အရင်းရှင်နိုင်ငံများလို multi-culture တိုင်းပြည်တစ်ခုဖြစ်လာနိုင်ပါသလား လို့ သုံးသပ်မိရင်း...............

မြနန္ဒာ